Euskal Konfederazioak haserrea adierazi du EEPren batzar nagusian, euskararen aldeko politikei diru gehiago ez bideratzeagatik

  • Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.

Euskal Konferentziako kideak EEPren biltzar nagusian. / Argazkia: Ekhi Erremundegi

2024ko apirilaren 09an - 09:57
Azken eguneraketa: 12:39

EEPko instituzioko ordezkariek 2024ko aurrekontuak bozkatu dituzte. Baina Euskal Konfederazioko kideak beraien haserrea adierazi dute aurrekontua 2017tik ez delako aldatu: salatu dute euskararen aldeko politikei diru gehiago ez bideratu izana.

Hilabete dabiltza eskaerak egiten eta EEP erakundeak ez die erantzunik eman. Euskal Konfederazioko kideak astelehenean 14:30ean EEPren biltzar nagusira sartu dira beraien amorru eta haserrea adierazteko.

“EEPk irailean aurkeztu zigun bide orria anbizio eskasekoa zen 2050eko horizonteari begira. Baina hautetsiek finkatu helburu apal horretara heltzeko ere aurrekontuaren %50 igotzeko xedea agertu zuten. Gaurko bilkuran proposatzen dutena %0 da!”, salatu dute Euskal Konfederazioko kideek irakurritako agirian.

Adierazi dute euskara egunez egun biziarazten duten egiturak prekaritate handiagoan aritzera kondenatuak daudela (langileen lan baldintzak okertuz, proiektu berriak ezin abiatuz...), batzuk arriskuan utziz.

Bestalde, Euskal Konfederazioaren agirian honako eskaera egin dute: “Aitzineko urteetako soberakinetarik esleitu gabe diren 750.000 euro Lankidetza fondora esleitzea galdegiten diegu iaz izan aitzinamenduak segurtatzeko eta 2017tik igoerarik ukan ez duten eragileei inflazioaren araberako igoera segurtatzeko, bai eta sortu diren proiektu berrien oinarrizko diruztatzea segurtatzeko”.

Azterketak Euskaraz, AEK, Seaskako langileak, Euskaltzaleen Topagunea, Euskal Haziak eta Hedabideak izan dira aretoan beraien aldarriak egiten Euskal Konfederazioari laguntza eskainiz.

Emaitzak

Euskararen aldeko hizkuntza politikari diru gehiago ez ematea erabaki du gehiengoak. Maider Behotegi EEPko lehendakariak eta Antton Kurutxarri Euskal Hirigune Elkargoko hizkuntza politikarako lehendakariordeak alde bozkatu dute. Bestalde, Alain Iriarte Euskal Elkargoko ordezkaria izan da kontra bozkatu duen bakarra eta abstentzio bat ere izan da.

Alain Iriarte, Euskal Elkargoko ordezkariak adierazi du elkarrizketa gehiago behar direla kideen artean. “Ikusiz euskararen egoera eta hainbat euskal egiuren ahal eskasia, ene aldetik erran dut diru ahal horiek doblatu behar zirela”, esanez argudiatu du bere bozkaketa.

 

 


Kanal honetatik interesatuko zaizu: Ipar EH-ko politika
2024-01-31 | Euskal Irratiak
Peio Etxeberri Aintxart
"Estatuak heriotza heroikoa eskaini zion gainbeheran zen Enbatari"

Mende erdia bete da Enbata legez kanpo ezarri zutenetik. Frantziako gobernuak Enbatak Hego Euskal Herriko ETA erakunde armatuarekin zuen balizko lotura ezarri zuen estakuru bezala. Horren ondorioz,Ipar Euskal Herriko lehen mugimendu abertzalearen azken kideak HAS Herriko Alderdi... [+]


2023-12-20 | Euskal Irratiak
Dominika Daguerre
"Hiru urtez, GALen atentatu bat jasan genuen hamabost egun guziz Iparraldean"

Berrogei urte bete dira GALek aldarrikatu lehen hilketatik. 1983ko abenduaren 19an Ramon Oñaederra ‘Kattu’ 23 urteko errefuxiatua hil zuen talde parapolizial horrek Baionako Bourgneuf karrikako Kayetenia ostatuan. Gertakari hori mugarria izan zen, hor abiatuko... [+]


2023-11-09 | Euskal Irratiak
Europako 10 milioi euro zuzenean kudeatuko ditu Euskal Hirigune Elkargoak

Lehen aldia izanen da Europako funtsak zuzenean kudeatzen ahalko dituela Euskal Hirigune Elkargoak, Akitania Berriko eskualdearen esku hartzerik gabe. 10,8 milioi euroko diru-funtsa izanen da, 2024 eta 2027 artean baliatu beharrekoa.


2023-11-06 | ARGIA
Bagira prozesua
Ipar Euskal Herriko abertzaleek aurrera begirako erronkak zehaztu dituzte

Bagira prozesuak Ipar Euskal Herriko mugimendu abertzaleak etorkizunera begira hartu beharreko orientabideen inguruko gogoeta egin du, eta ondorio nagusiak aurkeztu berri ditu. Inkesta 1.500 pertsonak erantzun dute. Mugimenduaren erronka nagusi izango diren bost gai zehaztu... [+]


Espagnac, Brisson eta Saint-Pék segituko dute Ipar Euskal Herriko senatari izaten

Azken sei urteetan senatari izandakoek segituko dute Frantziako Senatuan: Frederique Espagnac (Alderdi Sozialista, ezkerra), Max Brisson (Errepublikanoak, eskuina) eta Denise Saint-Pé (Modem, zentroa). Hauteskunde horietan ez dute zuzenean herritarrek bozkatzen eta... [+]


Eguneraketa berriak daude