Manu Azkarate larriki gaixo dagoen preso tolosarrak azken hilabetean bizi izandako egoera eta eskubide urraketak salatzeko agerraldia egin dute ostegun arratsaldean, Tolosako Trianguloa plazan. Tartean, aurpegi ezagunek ere larriki gaixo dauden presoen egoera salatu dute.
Azken hilabetean, bi espetxe aldaketa izan ditu Azkaratek. Lehenik, Alcalatik Zaballara eraman zuten, eta ondoren, Alcalatik Martutenera. Mugimendu horiek, gainera, ez zituzten zuzenean egin, eta Zaballatik Alcalara bueltan, Burgosko espetxean izan zuten bost egunez. Maitane Balerdik, Azkarateren emazteak, azaldu duenez, "Burgosen, sarrera moduluan eduki zuten, eta ez zen erizaintzara eramana izan bost egunez, horrela araututa duen arren".
Gaur adierazi dutenez, egun horietan ez zioten medikazio dosia neurtzeko beharrezko duen odolaren koagulazioa neurtzeko analitikarik egin, eta horrez gain, gatzik gabeko dieta onartua eta arautua duen arren, dieta normala eman zioten. "Manuk tentsio altua du gaixotasunaren ondorioz, neurtu eta zaindu beharrekoa, eta egun horietan ez zioten tentsiorik hartu", adierazi du Balerdik.
Horretaz gain, bere mediku txostena Burgos-Alcala bidean galdu zutela jakinarazi zieten. Balerdik dio beraien erantzuna honakoa izan zela: "Cosas que pasan, ya aparecerá" ("gauza hauek gertatzen dira, agertuko da"). "Bere gaixotasunarekin bateragarria ez den egoera batean, 14 orduko bidaia egin behar izan zuen".
Bigarren bidaian, bost eguneko geldialdia eginarazi zioten Valdemoron. "Hemen ere ez zen erizaintzara eramana izan egun horietan, eta gainera, bere eskubidea den arren, ez zioten utzi senideei deirik egiten", azpimarratu du Balerdik. Maiatzaren 23an, berriro ere Alcalara eraman zuten, bere gaixotasunari dispertsioaren zama gehituz.
Guzti honekin, Espainiako Espetxe Erakundeak larriki gaixorik dauden presoekiko duen utzikeria salatu nahi du Sare plataformak. Horretaz gain, politikaren, komunikazioaren edo justiziaren arloan eskubide-urraketa horien aurrean beste alde batera begiratzen dutenak salatu nahi dituzte.
Azkenik, "larriki gaixorik dagoen preso batek zorigaiztoko amaierarik ez izatea" espero dute, eta Tolosaldeko herritarrei adi egon daitezen eskatzen die, "egoera hauek mantentzeko ez dezatela gizartearen isiltasuna erabili".
Albiste hau Josu Atutxak argitaratu du Tolosaldeko Atarian eta CC-by-sa lizentziari esker ekarri dugu ARGIAra.
Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]
Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.
61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.
Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.
Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"
2019ko zerrendatik bi izen atera dira: Aitzol Gogorza, espetxeratze arinduan, eta Jose Angel Otxoa de Eribe, berriki zendua. Duela hamar urte baino hamahiru preso larri eta sendaezin gehiago daudela ohartarazi du Etxerat elkarteak.
Euskal Herrian jaio izanaren ordaina izan da gatazka mingarri batean harrapatuak egotea. Aukera bat izan zitekeen ez ikusiarena egin eta ezer gertatuko ez balitz bezala bizitzen saiatzea. Zilegi izan daiteke.
Jose Ramon Lopez de Abetxuko preso ohiak eta Txeman Matanzas abokatuak preso gaixoen egoeraren inguruko hitzaldia eman dute Gasteizko unibertsitateko campusean. Aretoak gainezka egin du. Aurretik Esteban de Garibay elkarte eskuindar unionistak hitzaldiaren aurkako kontzentrazioa... [+]
EHUren Gasteizko campusean egingo da hitzaldia, asteartean. Esteban Garibai elkarteak hitzaldiaren kontrako elkarretaratzea deitu du, hitzaldia hasi baino ordu laurden lehenago. Hizlariaren aurkako jazarpenarekin aurkako “sufrimendu jakin bat” estali nahi dela salatu... [+]
Ibon Fernandez Iradi euskal presoak egindako zigor etete eskaera onartu du Parisko Zigor Aplikazioen Auzitegiak, baina Fiskaltzak jarritako helegitea medio, haren askatasunari buruzko azken erabakia bi hilabete barrura arte atzeratu da. Esklerosi anizkoitza du Lasarte-Oriako... [+]
Espainiako Estatuak darabilen kartzela politikak euskal presoen eskubideak urratzen ditu eta urraketa horien txostena aurkeztu dute Sare Herritarrak eta EHUko Ikasmirak elkarteak. Txostena Nazio Batuen Erakundeko Giza Eskubideen Batzordera eramango dute orain.
Larunbatean jarri zuten abian kanpaina Bakearen Artisauek. Uztailaren 5ean Parisko Zigorrak Aplikatzeko Auzitegiak baldintzapean aske uztearen alde egin zuen, baina fiskaltzak helegitea jarri zuen eta preso jarraitzen du.
Urkabustaizko bizilagunak gaixotasun larria du.