Euskal presoen eskubideak urratzen dituen salbuespen egoeraren txostena, Nazio Batuen Erakundera
Espainiako Estatuak darabilen kartzela politikak euskal presoen eskubideak urratzen ditu eta urraketa horien txostena aurkeztu dute Sare Herritarrak eta EHUko Ikasmirak elkarteak. Txostena Nazio Batuen Erakundeko Giza Eskubideen Batzordera eramango dute orain.
NBEko herrialde bakoitzak bost urtean behin pasa behar izaten du azterketa hau, eta datorren urrian Espainiaren txanda izango da. Hori baliatuta, Espainiako Estatuko kartzeletan dauden 203 presoren egoeraren berri emango dute batzordean Sarek eta Ikasmirak.
Txostenaren aurkezpen ekitaldian, euskal presoek egun oraindik bizi duten salbuespen egoerari irtenbidea bilatzeko lanean jarraitzea ezinbestekoa dela azpimarratu du Bego Atxa abokatuak. Espainiako botere publikoak nazioarteko legediaren aurka doan espetxe politika darabilela gaineratu du Iñaki Lasagabaster abokatuak eta gogoratu du kartzelan dauden pertsonen eskubide oinarrizkoak errespetatu egin behar direla, “baina gaur egun ez da hala egiten, eta ez da ulergarria ez ikuspegi juridikotik, ez ikuspegi politikotik”.
2.000 kilometrora
Joseba Azkarraga EAko idazkari nagusi ohiak urraketa horietako batzuk aipatu ditu: urruntze politika, larriki gaixo dauden presoak ez askatzea, praktikan biziarteko kartzela zigorra aplikatzea… Esate baterako, 203 preso horietako %65en kasuan, bisita egin nahi dieten senide eta lagunek 2.000 kilometro egin behar dituzte aldioro. %85 lehenengo graduan daude.
Babes zabala
Hainbat eremutako izen ezagunek babestu dute txostena. Tartean dira, besteak beste, Carlos Garaikoetxea eta Juan Jose Ibarretxe lehendakari ohiak, kultur esparruko Patxi Biskert eta Arantza Amezaga, Garbiñe Biurrun epailea, kazetaritza munduko Kike Amonarriz, Martxelo Otamendi eta Pili Kaltzada, edota Javier Sadaba filosofoa.
Irakurri txostena osorik lotura honetan.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.