30 urte preso daramatzan Xistor Haranburu askatzeko eskatuz 6.700 sinadura jaso dituzte dagoeneko

  • Larunbatean jarri zuten abian kanpaina Bakearen Artisauek. Uztailaren 5ean Parisko Zigorrak Aplikatzeko Auzitegiak baldintzapean aske uztearen alde egin zuen, baina fiskaltzak helegitea jarri zuen eta preso jarraitzen du.


2019ko uztailaren 10an - 10:07
Apirilaren 9an Xistor Haranburu, Jakes Esnal, Ion eta Unai Paroten askatasuna aldarrikatzeko Donibane Lohitzunen eginiko manifestazioa, Bagoaz kolektiboak deituta. Argazkia: Enbata.info.

Bakearen Artisauek Xistor Haranburu euskal preso politikoaren askatasuna exijitzen duen kanpaina abiatu dute Change.org plataformaren bitartez. Eskaera Frantziako Estatuko presidente Emmanuel Macroni zuzendua dago, eta Mixel Berhokoirigoin, Txetx Etcheverry eta Michel Tubiana bakearen artisauen idatzia du oinarri.

“Badira urteak, tendentzia guzietako ordezkari politikoek sustengaturik, Euskal Herrian jendarte zibila 80 urteko bortizkeria eta sufrimenduaren orrialdea behin betiko gainditu nahi duen prozesu batean engaiatua dela. ETAren desegitea bururatu ez den prozesu honen funtsezko momentu bat izan zen”, dio idatziaren hasierak.

Bakearen Artisauek gogorarazi dute Haranburuk 30 urte daramatzala preso. Uztailaren 5ean Parisko Zigorrak Aplikatzeko Auzitegiak baldintzapean asko uztearen alde agertu zela, baina fiskaltzak helegitea jarri eta ondorioz preso jarraituko duela.

Hiru artisauek fiskaltzaren jarrera gogor kritikatun dute: “Ez da presondegian 30 urte bete dituen pertsona bat preso mantentzeko jarrera hau justifikatzerik, gutxiago, osasun egoera prekarioan izanki eta baldintzapean askatua izateko baldintza guziak betetzen dituenean. Ministerio Publikoaren erabakia abian den bake prozesua nahitara kontuan ez hartzeko erabaki bat dela deritzogu. “Xistor” Haranburu askatzeak ETAren birsortzea ekartzen ahal duela erratea, kasurik onenean ezjakintasuna eta txarrenean mendeku nahia dira, betiere gezurretan oinarrituriko argudioekin”.

Haranburuen kasuz harago, idatziak presoen hurbilketa prozesua “egun” geldi dagoela salatzen du: “Inolako arrazoirik gabe oraindik DPS estatuspean mantentzen dituzte. Ministerio Publikoaren erabaki honek ezinegona eta guzien sufrimendua berpizten ahal ditu” ―gerora, uztailaren 8an, Garikoitz Aspiazu preso santutxuarra Arlesko espetxetik Lannemezangokora hurbildu du Frantziako Estatuak―.

Artisauek Macronen hitzak gogoratu dituzte, Euskal Herria gatazkaren konponbidearen alorrean “eredu” bezala jarri zituenekoak, eta “ekintzak eta adierazpenak” lotzeko eskatu diote. Eskaerak 6.700 sinadura baino gehiago jaso ditu bost egunetan, eta ekimena zabalik da.


Kanal honetatik interesatuko zaizu: Espetxe politika
2023-12-07 | Ahotsa.info
Karmele Solaguren sakabanaketa politikaren biktima gogoratu dute Barañainen

Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]


Sara Fernandez preso politikoen senidea biktima gisa aitortzea eskatu dute

“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.


2023-11-06 | ARGIA
Espetxera itzularazi ditu Auzitegi Nazionalak Juan Carlos Subijana eta Joseba Borde euskal preso politikoak

Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]


2023-10-02 | ARGIA
Azpiegitura gabezia nabarmendu du Jaurlaritzak espetxe-kudeaketaren biurteko balantzean

Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]


2023-08-21 | Ilargi Manzanares
Sare Herritarrak Auzitegi Nazionalaren jarrera "oztopatzailea" salatu du

Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.


Eguneraketa berriak daude