Sanferminak 78 Gogoan! elkarteak eta poliziak hildako German Rodriguezen anaiak jarri dute kereila espainiar barne ministroen kontra, Zigor kodean oinarrituz.
Espainiako Zigor kodearen 413. artikuluaren arabera, agintari edo funtzionari publikoek euren kargu dauden agiriak ezkutatu edo deuseztatzen badituzte, lau urte arteko kartzela zigorra jaso dezakete.
Sanferminak 78 Gogoanek azaldu duenez, 1978an Espainiako Kongresuak urte hartako Sanferminetan poliziak egindako oldarraldiaz txostena agindu zuen. Dokumentu hori, eta bere baitan barnebiltzen dituen beste hiru txosten eskatu dizkiete, lehenik Juan Ignacio Zoidori –barne ministro zela– eta ondoren haren kargua hartu zuen Fernando Grande-Marlaskari, lurralde auzitegiak froga gisa onartu baititu. Baina erregistroetan ez dagoela eskuragarri erantzun diete behin eta berriz.
Sanferminak 78 Gogoanen ustez, jokabide horrek urratu egiten ditu akusazio partikularren eskubideak, froga horiek auzian eragin nabarmena izan baitezakete. Horregatik jarriko dute kereila, barne ministroen kontra ez ezik, baita Isabel Goikoetxea Barne Idazkariordearen kontra eta Jose Rafael Rojas artxiboetako zuzendari orokorraren kontra ere.
Martin Villa ere bai
Ez da elkarte horrek 1978ko gertaerengatik jarrita duen kereila bakarra izango. Urte hasieran, Rodolfo Martin Villa urte haietan Espainiako Barne ministro zenaren kontrako kereila kriminala jarri zuen, German Rodriguezen hilketan eta poliziak eragindako sarraskian dituen erantzukizunak argitu ditzan.
Espainiako Estatu mailan Barne ministroaren kontrako kanpaina abiatu zuten biktimen elkarte eta eragile ugarik, ministro izan zen garaian poliziek egindako hilketa eta erasoengatik.
Udaltzaina 1992tik ari da lanean euskararen eskakizuna zuen lanpostu batean, eta egonkortze prozesua eskatzen duen lehiaketan euskarak baldintza gisa jarraitzen zuen. Udaltzainak helegitea jarri dio derrigortasun horri eta epaileak arrazoi eman dio.
87 urte bete dira ostiral honetan, 1937ko apirilaren 26an abiazio faxistak Gernika bonbardatu eta sarraskitu zuenetik. Urtero legez ekitaldi andana antolatu dute erakunde eta eragile sozialek. Tartean, pasealekuan eta Astra fabrikan dauden sirenak martxan jartzea.
Espetxe zigor arinak eskatu ditu Frantziako fiskaltzak Parisen epaitzen ari diren Jean Noel Txetx Etcheverry eta Beatrice Mollerentzat, ETAren helburuen arabera jardutea egotzita. Hala, zigor horiekin bakegileek ez lukete espetxera joan beharko. Maiatzaren 16an emango dute... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
Txetx Etxeberrik eta Beatrice Mollek ETAren armagabetzearen auzian egindako lana epaituko dute Parisen, apirilaren 2an eta 3an. Mobilizazioak deitu dituzte Euskal Herriko zapi hiriburuetan apirilaren 3rako.