Karrikiri: Nafarroan iazko maiatzetik ekainera 200 lagun kutsatu zituen COVIDaren aldaera
Larunbatean eman dute albistea: Nafarroako Ospitale Unibertsitarioan COVIDaren beste aldaera bat aurkitu zuten iazko maiatzean. Ez zen gehiegi zabaldu zorionez. Lehen kasua erregistratu zuten maiatzaren 19tik hasi eta ekainera 194 pertsona kutsatu ziren, Iruñerriko autoak konpontzeko tailer batean izandako kutsatzearen ondorioz. Ospitaleko langileek modu informalean Karrikiri izenez bataiatu zuten. Delta aldaeraren ondorioz, desagertu egin zen.
Ez zen gehiegi zabaldu eta ez zuen arrisku gehigarririk ekarri. Baina Nafarroan COVIDaren aldaera berri bat erregistratu zuten. Hala jaso du Journal of Clinical Microbiology aldizkari estatubatuarrak.
EiTBk eginiko bideo-erreportaje honetan kontatu dute nola detektatu zuten aldaera Nafarroako ospitale unibertsitarioko mikrobiologiako zientzialariek.
Leku horretan PCR probak positibo edo negatibo diren aztertzen dute, baita positiboen kasuan, zein ezaugarri dituzten aztertzen dute, aldaera identifikatzeko. TaqPath izeneko probaren bidez identifikatu zuten aldaera, ofizialki B.1.575.2 izenekoa.
"Txertoekiko erresistentziarekin lotzen den mutazioa da, horregatik zorrotz egin diogu jarraipena", adierazi du Mikrobiologiako buru Carmen Ezpeletak. "Hasieran urduri eta jakin-minez geunden. Ez genekien zer gertatuko zen aldaera horrekin", kontatu du Ezpeletak. "Egia esan, oso egoera bitxia da".
Azkar bukatu zela kontatu du, ikasturte amaierako bidaietan Kataluniako kostatik ekarritako Delta aldaera indartsu sartu baitzen Nafarroan. "Deltak beste aldaera guztiak suntsitu zituen", kontatu du Ezpeletak.
2021eko ekainaren amaieratik ez da karrikiri-ren berririk izan.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.