Gabonetako kontsumoari aurre egin guran, doako azoka antolatu du Getxoko Itzubaltzeta/Romo auzoko Matraka gazte asanbladak. Hala, norberak erabiltzen ez dituen gauzak Etxe Merkean uzteko deia egin dute, ondoren egingo duten azokan behar duenak behar duena har dezan.
Itzubaltzeta/Romoko Matraka gazte asanbladak kanpaina "antikontsumista" bat abiatu du. Gabonen atarian gaude, eta horregaz batera kontsumoaren garaia, opariak eta edozelako gauzak erosteko egunak. Hala ere, krisi ekonomikoak eraginda, badago etxera zer eraman ezin duen jendea. Horiei laguntza eskaintzeko, doako azoka bat antolatu dute gazteek. Ideia da daborduko norberak erabiltzen ez duen arropa, jostailu edo tresnak uztea, behar duenak horiek har ditzan.
Hala, gura duenak gura duena utz dezake Ezekiel Agirre 14 zenbakiko Etxe Merkean dagoen kutxa batean, abenduaren 17ra arte. Ondoren, abenduaren 17tik 23ra bitartean, jasotako denagaz azokatxoa egingo dute, 18:00etatik 21:00etara, behar duenak behar duena eraman dezan.
Antolatzaileek ohartarazi dutenez, utzitako gauzak kutxan sartzen ez badira, deitu telefono honetara: 672 718 602.
Albiste hau Hirukak argitaratu du eta CC-by-sa lizentziari esker ekarri dugu ARGIAra.
Etxeko garbigailua hautsi eta konponarazten saiatu ginelarik, beste baten erostea hobe genuela erran zigun konpontzaileak. Merkeago genukeela, ez, aise merkeago genukeela berriaren erostea. Lehen batean ez bazen begi bistakoa, argudiatu zitzaigun, baietz, epe ertainean hala... [+]
Hezkuntzan erabilera oso zabala duten Chromebookak gutxi irauteko diseinatuta daudela ondorioztatu du AEBetako Public Interest Research Group erakundeak (PIRG, Interes publikorako ikerketa taldea). Zaharkitze programatua onartezintzat jo dute, eta ikasle bakoitzak gailu bat... [+]
Abendua igaro zaigu, urtarrilean sartu gara eta, beraz, ipar hemisferioan negua hasi zenetik aste batzuk igaro dira dagoeneko, tenperatura epel bezain kezkagarriekin. Gure arbasoek, neguko solstizioan, eguna eta gauaren txandakatzea gurtzen zuten, baita urtearen zikloa edo... [+]
Eguberriak ospatzeko beste modu bat bilatu guran, euskal herritarrek antzina zuten ohituretako bat berreskuratu du Jon Etxebarria Txontxe gorliztarrak. Dioenez, neguko solstizioan, "neguburuan", enborrak erretzen zituzten Eguzkiari indarra emateko, eta kiskalitako zur... [+]
Eraikin bat gorputz bat bezala irudikatzea datsegit. Instalakuntza-hoditeriak zainak bailiran, zutabeak eta habeak hezurdura gisa, fatxada, azal-zuntza bat. Eta eraikinaren arima eta bizi-taupadak pertsonek eragiten dute, espazioa erabiltzen eta zaintzen duten... [+]