ARGIA.eus

2021eko urriaren 28a

Kalte handiak eragin ditu itsaso zakarrak euskal kostaldean

  • Azken egunetan eta bereziki azken orduetan denboraleak gogor jo du euskal kostaldea. Hamar metrotik gorako olatuak izan dira eta kalte ugari eragin ditu urak. Biarritzen igande arratsaldean itsasoak eramandako emakume baten bila jarraitzen dute eta beste pertsona bat desagertuta egon daitekeen ikertzen ari dira. Irudi ikusgarriak zabaldu dira sare sozialetan eta horietako batzuk bildu ditugu. 

Eider Madina Berasategi @xaukenaxauk
2014ko urtarrilaren 07a

Itsaso zakarrak utzitako argazki bilduma.

Biarritzen igande arratsaldean olatu kolpe batek emakume bat eraman eta desagertua dago ordutik. Hirukote bat itsasargitik behera doazen eskaileretan zihoala olatuak hartu zuen honako bideoan ikus daitekeenez. Hiruetako batek ozta ozta lortu zuen ihes egitea baina beste biak itsasoak irentsi zituen. Haietako batek sorosle baten laguntzaz uretatik irteten ahal izan zuen; emakumeak ordea ez zuen lortu.

 

Donostian olatu erraldoiak ikusi ahal izan ziren eta Paseo Berritik Alde Zaharrerantz sartu zen ura. Aldamar kaletik hainbat herritarrek jasotako irudiak.

 

Oiartzun ibaiak itsasoa zirudien atzo gauean Orereta parean.

 

Gaur goizean itsasoak gogor jotzen jarraitzen du, Zarauzko malekoiko irudiak jaso ditu Gari Berasaluzek.

 

Bermeoko portuan lotuta zeuden zenbait itsasontzi amarretatik askatu eta itsasora eraman zituen, bideoan ikus daitekeenez beste zenbait hondoratu egin ziren.

 

Biarritzen ostiral arratsaldetik ura itsasertzeko paseoraino iristen zen, bart Kasinoraino iritsi dira olatuak eta kalte ugari eragin ditu:

 

Elantxobeko arraun elkartearen eraikinean hainbat traineru eta ontzi eraman ditu urak.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Natura  |  Lapurdi  |  Gipuzkoa  |  Bizkaia

Natura kanaletik interesatuko zaizu...
Azkenak EGILEA
Argia buletina
Egunaren laburpena
zure e-postan
Eguneraketa berriak daude