Kalera botako ditu Eroski Taldeak hemezortzi lagun, "irabaziak baditu ere". Hori da Enpresa Batzordeak salatu duena: izan ere, urteak daramatza langile gehiago eskatzen, "lanez gainezka" zeudelako, eta, beraz, orain jendea kanporatzea ez zaie ulergarria. Horregatik, botatako hemezortzi langileak berriz kontratatu ezean, "greba mugagabeari" ekinen diote langileek, hilaren 27tik aurrera.

Enpresa Batzordearen arabera, Eroski "gai" da hemezortzi pertsona horiek guztiak Nafarroan "birkolokatzeko", "une honetan borondatea da faltan duen bakarra".

Batzordea Eroskirekin bilduta zela jakinarazi zieten langileei kalera zihoaztela, negoziazioak oraindik martxan ziren bitartean.

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra