ARGIA.eus

2022ko maiatzaren 22a

Juan Carlos Iglesias Chouzas absolbitu dute Estrasburgoko doktrinan oinarrituta

  • Epaiaren esanetan, atxilotu zuteneko inkomunikazio garaian ez zuen izan bere konfiantzazko abokatua izendatzeko eskubiderik eta, ondorioz, magistratuek presoa absolbitu egin dute. Beste auzi batzuengatik espetxean jarraitu beharko du oraindik Iglesiasek.

Juan Carlos Iglesias Chouzas.
ARGIA @argia
2022ko maiatzaren 13a

Erabakia Giza Eskubideen Europako Auzitegiak iragan urtarrilean Xabier Atristrain presoaren kasuan emandako ebazpenean oinarritu da. Orain Espainiako Auzitegi Nazionaleko Bigarren Sekzioa arduratu da Iglesiasen auziaz eta, Estrasburgoko jurisprudentziari tiraka, argudiatu du Guardia Zibilak ez zuela behar beste arrazoirik eman inkomunikazio aldian Chouzasi konfiantzazko abokatua ukatzeko.

Epaiketa honetan Chouzasi leporatzen zioten 1991n Guardia Zibil bat hil zuela Bilbon, baina magistratuek absolbitu egin dute, baliorik gabe utziz inkomunikazio garaian presoak egindako deklarazioa. Bakarrik hartu dituzte aintzat presoak epailearen aurrean esandakoak.

Joan den martxoan ere Auzitegi Nazionalak berdintsu egin zuen Gorka Palacios presoarekin eta beste hilketa bategatik absolbitu egin zuen, haren aurka jasotako testigantzak ere inkomunikazio aldikoak zirelako.

Eta hemen agertzen da torturaren itzala, ebazpen hauek ez baitute esaten segurtasun indarrek jasotako deklarazioak torturapean lortu zirenik, baina inkulpatuek torturapean egin zituztela diote, eta Estrasburgoko auzitegiak eta orain Auzitegi Nazionalak, baliorik gabe utzi dituzte deklarazio horiek.

Aurrerantzean, beraz, badirudi ildo bereko ebazpenak egingo dituela Auzitegi Nazionalak. Euskal gatazkak iraun zuen hamarkadetan ehunka preso zigortu zituzten urte askotako kartzela zigorrera torturapean jasotako deklarazioekin, eta orain ikusgai dago Estrasburgoko jurisprudentziak nola eragingo dion iragan horri guztiari, bereziki inkomunikazioan egindako deklarazioen ondorioz oraindik espetxean diren presoei


Euskal preso politikoak kanaletik interesatuko zaizu...
2022-05-20 | ARGIA
Izaskun Lesaka presoa baldintzapeko askatasunean utziko dute

Parisko Dei Auzitegiak martxoaren hasieran erabaki zuen Lesaka preso nafarra baldintzapean libre uztea, baina fiskaltzak helegitea jarri zion eta espetxean jarraitu behar izan du orain arte. Astelehenen utziko dute aske.


2022-05-19 | ARGIA
Jakes Esnalen etxeratzearen alde mobilizatuko dira maiatzaren 19 honetan

Ostegun honetan aztertuko du Parisko Dei Auzitegiak presoaren baldintzapeko askatasun eskaera. Karia horretara, Jakes Esnalen aldeko elkarretaratzea antolatu du Bake Bidea-k Donibane Lohizunen.


2022-05-13 | ARGIA
32 urte ondoren, prokuradorearentzat "goiz" da Ion Parot askatzeko

Ostiral honetan Ion Paroten alde galdetutako 6. baldintzapeko askatasun eskaera aztertu du Terrorismoaren Aurkako Parisko auzitegiak eta, espero bezala, prokuradorea kontra agertu da, bere ustez presoa ateratzeko goiz delako.


Su Ta Gar, Belako, Porrotx, Maialen Lujanbio eta Amets Arzallus izango dira Illunben, 'Izan Bidea' jaialdian

Urriaren 8an izango da jaialdia Illunben, manifestazio eta ekitaldi politiko baten ostean.


2022-05-12 | ARGIA
Paroten baldintzapeko askatasun eskaera aztertuko dute maiatzaren 13an

Elkarretaratzea eginen dute egun berean arratsaldeko zazpietan Baionako herriko etxearen aitzinean. Jakes Esnalena berriz maiatzaren 19an aztertuko dute. 32 urte daramatzate preso.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude