2022ko maiatzaren 20a
Atristain Martuteneko kartzelatik atera zen otsailean, Giza Eskubideen Europako Auzitegiak ebatzi zuelako ez zuela “epaiketa justu eta ekitatezkorik” izan. Epaitegiak ez du onartu Espainiak jarritako helegitea; beraz, irmoa da erabakia.
Estrasburgoko Giza Eskubideen Europako Auzitegiak urtarrilean ebatzi zuen Xabier Atristain preso ohiaren eskubideak urratu zirela: ETAko kidea izatea egotzita atxilotu zutenean ezin izan zuen konfiantzazko abokaturik izan, inkomunikatuta eduki zuten, eta inkomunikazio aldian egindako autoinkulpazioak izan ziren gerora epaiketan bera zigortzeko oinarria. Atristainek inkomunikatuta egon ostean torturak salatu zituen.
Estrasburgoko sententzia heltzean, Espainiako Auzitegi Gorenak agindu zuen euskal presoa kartzelatik ateratzeko, eta otsailaren 17tik aske da, baldintza batzuekin. Espainiako Gobernuak helegitea aurkeztu zuen Estrasburgon, baina orain Giza Eskubideen Auzitegiak baztertu egin du Espainiaren eskaria eta erabakia irmoa da.
Etxeratek gogorarazi du Atristainen kasua ez dela bakarra: “Ehunka euskal preso daude, gure senideak direnak, inkomunikazio eta torturapean autoinkulpatuak, konfiantzazko abokaturik ez zituztela izan atxiloaldian. Gure senide preso guzti horien askatasuna eskatzen dugu”.
Epaiaren esanetan, atxilotu zuteneko inkomunikazio garaian ez zuen izan bere konfiantzazko abokatua izendatzeko eskubiderik eta, ondorioz, magistratuek presoa absolbitu egin dute. Beste auzi batzuengatik espetxean jarraitu beharko du oraindik Iglesiasek.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Giza Eskubideen Europako Auzitegiak “diskriminazioa” egotzi dio Espainiari eta kalte-ordaina eman beharko dio amari.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Giza Eskubideen Europako Auzitegiak urtarrilaren 19an ebatzi du Espainiak ez zituela Iñigo Gonzalezen tortura salaketak behar bezala ikertu. Espainiak 20.000 euroko kalte ordaina eman beharko dio Gonzalezi. Guardia Zibilak sei kide atxilotu zituen 2011ko operazio hartan,... [+]
