“Jotzera tiro egin” esan du Ertzaintzak Donostian eta gazte bati masail hezurra hautsi diote pilotakadaz
Asteazkenean gertatutako istiluen ondotik lau pertsona atxilotu ditu Ertzaintzak, eta gazte bati masail hezurra hautsi diote pilotakadaz. Bost egunetan hirugarren aldiz oldartu zaie Polizia herritarrei, eta larunbatean errepresioa salatzeko mobilizazioa deitu du Alde Zaharreko Gazte Asanbladak.
Asteazken gauez, ezohiko San Sebastian egunean, istiluak jazo dira Donostian. Iluntzeko 20:00ak pasata, tabernak ixteko orduarekin bat eginez, poliziak agerraldia egin zuen Konstituzio Plazan, ustez Eneko Goia alkateak bandera jaitsi aurretik plaza hustu asmoz. Azken asteetan enegarrenez, liskarra sortu zen poliziaren eta herritarren artean, gauerdira arte luzatu zena.
Borrak eta gomazko pilotak erabili zituen Ertzaintzak, eta pilotakada batez masail hezurra hausti diote pertsona bati Piztu Donostiak jakinarazi duenez:
PELOTAZO BATEK MASAIL HEZURRA HAUTSI PARTE ZAHARREAN. Noiz arte erabiliko ditu Ertzaintzak hilgarriak ez baina larriki zauritzen duten arma mota horiek? Aurpegia jotzen duen pelota norantz botata dago? pic.twitter.com/lEVZUvxdPy
— PIZTU DONOSTIA (@PiztuD) January 21, 2021
Hainbat testiguk jasotako irudietan ikus daiteke Ertzaintzak herritarren aurka izandako jarrera oldarkorra, auzotarren protesta oihu artean:
Pleno Donosti, VERGÜENZA. Nada que añadir. pic.twitter.com/n2QxalkfXT
— Laura (@Laurasanntiso_) January 20, 2021
Naiz hedabideak publiko egin duen bideo batean Ertzain talde bat ageri da, eta ofizialaren hitzak aditu daitezke ondoko agindua emanez: “Jotzera tiro egingo dugu, ados?”.
🔴 [DOCUMENTO SONORO] «Vamos a tirar a dar», orden de la Ertzaintza anoche en la Parte Vieja donostiarra https://t.co/Uc5yUeg0EW Ha ocurrido dos días después del cierre en falso del «caso Cabacas» pic.twitter.com/zJvPcdCrUk
— naiz: (@naiz_info) January 21, 2021
Alde Zaharrean hasitako istiluak, eremua hustu ahala, Bretxa inguruetara hedatuz joan ziren. Gertakizunen ondotik, Ertzaintzak lau pertsona atxilotu zituen. Segurtasun sailak zortzi zaurituren berri eman du, denak ertzainak. Alabaina, herritarren artean ere bada zauriturik, larrien zauritutakoa masail hezurra hautsi dioten gaztea izanik.
Bost egunetan, hirugarren oldarraldia
Segurtasun Sailaren bertsioaren arabera, Konstituzio Plazan zeuden zenbait herritarrek objektuak jaurti zizkien udaltzainei, eta horiek laguntza eskatu behar izan zioten Ertzaintzari.
Alabaina, herritarrak egunak daramatzate Ertzaintza Donostiako Alde Zaharrean burutzen ari den esku-hartzeen inguruan alerta pizten. Bost egunen buruan, hirugarren aldiz egin baitu Ertzaintzak herritarren aurka Alde Zaharrean, larunbat eta igande iluntzeetan ere Trinitate plazan zeuden gazteen aurka oldartu baitzen. Asteburuko gertakizunen ondotik Piztu Donostia plataformak publiko egindako idatzian salatzen zenez, herritarrek etxeratze agindua behar bezala betetzen dute, “bestelako osasun irizpideekin batera”, eta 22:00etarako Alde Zaharra hutsik egon ohi da. Hori horrela, “zertara datoz orduan istiluak sortzen dituen Ertzaintzaren oldarraldi hauek?”, galdegiten zuen plataformak, adieraziz istiluak sortzen direla poliziak gazteak eta haurrak indarrez botatzeari ekiten dionean. “Ertzaintzarik gabe normaltasunez hustutzen da egunero Trinia”, azpimarratu zuten.
Plataformak sare sozialetan seinalatu duenez, Trinitate plazako esku-hartzeen aurrean, gazteak kale-zurrutean ari zirela argudiatu izan du Ertzaintzak. Irudiek, baina, ez dute halakorik erakusten:
IKUSI, IKUSI, IKUSI...
Hau da gaur 21:00etsn Trinian Ertzainek aurkitu duten giro subertsibo eta botelloia...
Diario Vasco eta Ertzaintza gezurretan ari dira...
GEZURTIA BETI HARRAPATZEN DA! pic.twitter.com/4PxA8rDH9q
— PIZTU DONOSTIA (@PiztuD) January 17, 2021
"Argi dago Alde Zaharra eta bertako bizilagunak daudela jopuntuan. Gazteen aurkako kriminalizazio honekin, gazteak bihurtu nahi dituzte pandemiaren bilakaeraren erantzule. Atentzioa desbiatu eta agintari, instituzional, politiko eta ekonomikoen arduragabekeria zuritzeko", egin dute irakurketa.
Mobilizazioa larunbatean
Ertzaintzak azkenaldian daukan jarrera salatu asmoz, mobilizazioa deitu du Alde Zaharreko Gazte Asanbladak larunbatean. “Errepresiorik ez! Gazteon aurkako kriminalizazioa gelditu” lelopean, manifestazioa abiatuko da Bulebarretik, 12:00etan.
UPNk salatu du Nafarroan eskuin muturreko taldeen eta Poliziaren indarkeria aztertzen duen batzordeak ia edonor hartzen duela biktima gisa. María Chivite lehendakariak erantzun dio Poliziak egindako abusuen salaketak asko izan direla eta denboran hainbat garaitan... [+]
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]