Lanbiden dirulaguntzak eskatzen dituztenak jomuga dituen kontrol unitatea sortu dute

  • Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak estigmatizatzen ari da legea, hainbat eragilek kritikatu duenez.

Lege berria kritika artean onartu zen, joan den martxoan.

2023ko abenduaren 18an - 12:06

Ikuskariek hainbat funtzio dituztela nabarmendu du Lanbidek: hala nola barne-kontrola egitea, prestazioak jasotzen dituzten laguntzek beren betebeharrak behar bezala betetzen dituztela zaintzea eta betebehar horiek betetzen laguntzea, edota irregulartasunak antzematea. Legegintzaldi honetan, Ertzaintzarekin eta Fiskaltzarekin lankidetzarako bide iraunkorrak ezarri direla azpimarratu du Lanbidek.

Prestazioen eta Gizarteratzearen zuzendari Sara Buesaren hitzetan, "gure babes- eta inklusio-ereduan sinesten dugunok badakigu prestigio handia duela, ez bakarrik lortu behar duenak laguntza eskuratzeak, baizik eta zorroztasunez kudeatzeak. Unitate hau eta Plan hau sortu dira pertsonei laguntzeko beraien betebeharrak ulertzen eta betetzen, gestioa pertsonekiko bermatzailea izan dadin; eta baliabide publikoak zorrotz kudeatu daitezen".

"Prestazio ekonomiko hori jasotzen dutenen artean iruzurra %0,7koa baino ez den arren, gizarteratzen den mezua da ‘kontrolak egiten badizkiete zerbaitengatik izango da’"

"Pobrezia kriminalizatzen ari dira"

Lege berria kritika artean onartu zen, joan den martxoan. Zehazki kontrola handitzea dakarren unitate honen inguruan, gogor mintzatu zen ARGIAn Iñaki Uribarri Argilan-ESK-ko kidea: "DSBE jasotzen duen jendea, bere eskubidea izan arren, modu perbertsoan tratatzen da, eta prestazio ekonomiko hori jasotzen dutenen artean iruzurra %0,7koa baino ez den arren, gizarteratzen den mezua da ‘kontrolak egiten badizkiete zerbaitengatik izango da’. Iruzur fiskala %20koa da, eta ikuskapen fiskal askoz gutxiago egiten da, ongi justifikatzen da gainera ikuskapen kasu bakoitza. Pobrea izatea delitu dela dirudi".

Uribarriren esanetan, "lege berriak baldintza batzuetan hobekuntzak dakartza, baina iruzurraren kontrolari dagokionean, 2018ko legea baino okerragoa da, oso gogorra, datorkiguna sarraski hutsa da. ‘Dirua migratzaileei ematen diezue’ moduko mezu eskuindarrei erantzuteko EAJk duen modua da kontrola handitzea, baina azken finean eskuinari men egitea da, eskubideen eta justizia sozialaren kalterako. Pobreek ez dute bozkatzen eta jomuga erraza dira, gainera ez ditu inork defendatzen, ez dago kontzientzia sozialik".

Ildo berean, instituzioetatik egiten den pobreen kriminalizazioa eta estigmatizazioa salatu zuten Berri Otxoak plataformak, LAB sindikatuak eta beste hainbat eragilek, lege berria onartu zenean.


Irakurrienak
Matomo erabiliz
Azoka
Kanal honetatik interesatuko zaizu: DSBE
Diru Sarrerak Bermatzeko Errentaren araudi berriak "isilpean" murrizketak dakartzala salatu dute

ESK sindikatuaren Argilan plataformak, Berri Otxoak plataformak eta Euskal Herriko Etxebizitza Sindikatu Sozialistak helegitea jarriko diote DSBEaren araudi berriari, prestaziorako sarbidea mugatu eta "eskubide gehiago murriztuko" dituelako euren esanetan.


Pobreziaren kontrako “euskal sistema”

EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]


Diru-Sarrerak Bermatzeko Errentaren lege berria indarrean sartu da kritika artean

Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]


Ertzaintza egunero miaketak egiten ari da prestazio ekonomikoak eskatu dituen jendearen etxeetan

Diru Sarrerak Bermatzeko Errenta kobratzen hasi aurretik ere, prestazioa eskatu duen jendearen etxeak arakatzen ari da Ertzaintza: “Prebentzioaren izenean, egunero-egunero ari dira etxeetan sartzen; astakeria da eta jendea beldur da, modu oldarkorrean ari direlako,... [+]


Ikatza Santander banketxeari eta Diru-sarrerak Bermatzeko Errentaren erreforma adostu duten alderdiei

Haurrak dituzten bi familia kaleratzeko duen asmoagatik ikatza bota dute Bilboko Santander banketxeko egoitzetako batean. EAJ, PSE eta Elkarrekin Podemosentzat ere izan dute ikatzik Olentzerok eta Mari Domingik, adostu duten Diru-sarrerak Bermatzeko Errentaren erreformak... [+]


Eguneraketa berriak daude