Jai euskaldunak erdiesteko urrats berriak emango ditu Aiaraldeko Euskalgintzaren Kontseiluak
Gora Aiaraldeko Jai Euskaldunak dinamika jarri du martxan aurten ere Aiaraldeko Euskalgintzaren Kontseiluak, Udal eta elkarteekin elkarlanean. Jaien testuinguruan euskararen presentzia eta erabilera sustatzea dute helburu. Iaz abiatutako bidetik jarraitu nahi dute aurten ere, eragile eta Udal gehiagoren inplikazioa lortuz.
"Jaien testuinguruan euskararen presentzia eta erabilera sustatzeko" asmoz, iaz abiatutako bide berdinari eutsiko dio aurten ere Aiaraldeko Euskalgintzaren Kontseiluak, Udal eta elkarteekin elkarlanean. Beste urte batez abian jarri dute Gora Aiaraldeko Jai Euskaldunak dinamika, eta erronka berria jarri diote haien buruei: ekimena modu eraginkorragoan inplementatzea eta eragile gehiagoren inplikazioa lortzea.
Esperientziatik ikasiz
Urduñako Udaleko Euskara Sailak azken urteetan abian jarritako esperientzia du oinarri orain eskualde osora zabaldu den dinamika. Iaz egin zuen Aiaraldeko Euskalgintzaren Kontseiluak egitasmoaren aurkezpen publikoa, Arespalditzan, Aiarako Jaien bezperan. Bertan izan ziren dinamikarekin bat egin zuten Laudioko, Urduñako, Orozkoko, Arrankudiaga-Zolloko, Aiarako eta Artziniegako ordezkariak. Azken urtean hainbat eragilek ere bat egin dute egitasmoarekin, Amurrioko Jai Herrikoien Aldeko batzordeak eta Txosnaguneak, esaterako.
Aurten, eragile eta Udalen zerrenda hori handitzea du helburu Gora Aiaraldeko Jai Euskaldunak dinamikak. Honezkero badira egitasmoarekin bat egin duten entitate berriak, Laudioko Suziri Jai Koordinakundea, esaterako.
Hizkuntza paisaia
Jaietako hizkuntza paisaia zaintzea eta bertan eragitea du xede Aiaraldeko Euskalgintzaren Kontseiluaren dinamikak. "Aldarrikapenetik harago, kontzientziak astindu eta euskarazko eskaintza indartzea da asmoa". Horrela azaldu zuten kontseiluko kideek iragan apirilaren 9an udal ordezkari eta eragileekin egindako formazio saioan.
Horretarako hainbat baliabide diseinatu eta sortuko dituzte, jaietako ekosistema osatzen duten espazio eta eragileei egokituak.
Alde batetik, kanpainako euskarri orokorrak sortuko dituzte, euskararen erabileraren aldeko lelo eta aldarriek festaren erdigunea har dezaten. Pankarta erraldoiak, itsasgarriak, edalontzi berrerabilgarriak, puxikak... Orotariko euskarriak baliatuz lehen hitza (eta gainerakoak ere) euskaraz egiteko gonbita luzatuko diete jaiez gozatzera bertaratuko diren herritarrei.
Jaietako ekitaldi guztietan esatari euskaldunen presentzia bermatzeko neurriak ere ezarriko ditu kontseiluak Gora Aiaraldeko Jai Euskaldunak kanpainaren barruan. "Hizkuntza eskubideez ari gara. Ezinbestekoa da, gutxienez, esataria elebiduna izatea eta beti ere euskarari lehentasuna ematea", adierazi dute Euskalgintzaren Kontseiluko ordezkariek. Kanpainarekin bat datozen udalei dagokie baldintza hori betetzea, eta posible ez denean elkarteei laguntza eta baliabideak eskaintzea.
Hizkuntza irizpideak
Jaietako eremu nagusi diren txosnagune eta tabernetan hizkuntza eskubideak errespetatzeko asmoz, hizkuntza irizpideak barnebildu dituzte kanpainaren barruan. Horretarako, bete beharreko hizkuntza irizpideak jasotzen dituen txostena helaraziko diete Udalek txosna jartzen duten eragile eta elkarteei.
Besteak beste, txosnaguneko txanda guztietan pertsona elebidunen bat egotea eskatuko dute, baita hizkuntza paisaia osatzen duten elementuak euskaraz egotea ere. Musikari ere eskainiko diote arreta, euskarazko musikaren presentzia %65ekoa izatea bermatuz txosnen ordutegi guztian.
Modu berean ostalari eta tabernariak ere interpelatuko ditu kanpainak, establezimendu horietan ere hizkuntza irizpideak bete eta euskal hiztunen eskubideak errespeta daitezen.
Eibarko San Juanetara begira, Eibarko jai batzordeak udal-gobernuaren eta alkatetzaren aldetik jasotzen ari duen jarrera salatu du. JHH Jaixak Herrixak Herrixandakoak batzordeak luzatu proposamenak "arrazoirik gabe" errefusatu dituztela deitoratzeaz gain, Udalak... [+]
Agerraldia egin dute Gasteizko GKS-k, Gasteizko Etxebizitza Sindikatuak eta Bilboko Luberri konpartsak. “Hainbat hilabetez” Bilboko Konpartsekin eta Gasteizko Txosna Batzordearekin “egoera bideratu” nahian aritu direla ziurtatu dute, emaitzarik gabe... [+]
Bilboko, Gasteizko eta Donostiako herri jaietako ordezkariek agerraldi bateratua egin dute maiatzaren 8 honetan, txosnei jarritako zailtasunak salatzeko eta jai eredu herrikoa "desagertzeko arriskuan" dagoela ohartarazteko.
Kondenatutako atzerritarren nazionalitateari buruzko datuak argitaratuko dituela adierazi du Erresuma Batuko Barne ministroak. Bide beretik, pasa den astean ezagutarazi zen Aste Nagusian atxilotutako 79 pertsonaren argazkiak filtratu zituela Ertzaintzak.
Behe bandako zutabea bezain erlojuaren aurka prestatzen ditut mozorroak, korrika, aztoratuta, zalantzaz, erretxin, estropezuka eta sarri arrakasta ez erabatekoarekin; adibidez, zutabe hau eta biharko mozorroa. Oraindik ez dakit bietako zein bukatuko dudan lehenago. Baina... [+]
Gizakunde (Inauteriak)
Noiz: otsailaren 15ean.
Non: Arizkun eta Erratzun. plazan.
------------------------------------------------
Amaitu dira inauteriak, sutan erre ditugu gaiztoak, gaizkiak, sardinak eta panpinak. Baina xomorroak esnatu dira eta badator... [+]
Lantzeko inauteri txikien kalejira ikusle guztien begietara urtero modukoa izan zen. Txatxoak, Zaldiko, Ziripot eta Miel Otxin herriko ostatuko ganbaratik jaitsi eta herritik barna bira egin zuten txistularien laguntzarekin. Askok, ordea, ez zekiten une historiko bat bizitzen... [+]
Martxoaren 2an igandea Iruinkokoak berriz ere Iruñeko karrikak hartu ditu.
Hamarkada batez lokarturik izan ondotik, otsailaren 22an iratzarriko dute hartza Miarritzen. Festilasaik, Arroka elkarteak, Maritzuli dantza konpainiak, Gaztetxeak eta Ikastolak bat egin dute, aurten, programazio berezi bat eskaintzeko.
Kaskarotak eta maskaradak urtarriletik dabiltza martxan, Malerrekakoak etorri dira segidan eta pixkanaka han eta hemen ospatu dira inauteri festak. Aurten, ordea, data nagusiak berandu datoz oso; Kandelaria egunean Hartza esnatu zen, baina ilargiari begiratu eta beste pixka... [+]
Lazkaon 1960-70ko hamarkadan galdu ziren inauteriak berreskuratzeko asmotan dabiltzala irakurri dugu azken asteetan. Festa haietatik abiatuta herriko hainbat talde elkartu eta otsailaren 28an plazaratuko dira inauteriak ospatzera. Xehetasun gehiago jakin nahian Oin Arin dantza... [+]
Inkestatuen %45,6k alarde parekide bakarra nahiago du herriarentzat eta %65ak baino gehiagok alardearen gatazka konpontzeko herritarrek gai horren inguruko hitzaldi eta tailerretan parte hartu behar dutela adierazi dute.
Aitor Arregik, Jon Garañok, Jose Mari Goenagak, Asier Achak eta Xabier Berzosak osatzen dute ekoiztetxe donostiarra, eta euren lana aitortu nahi izan du Donostiako Udalak.
Bi asteburu direla atera dira lehen kaskarotak: Beskoitzekoak. Eta martxora arte larunbatez eta igandez astero ibiliko dira herriko auzoetan etxez etxe dantzan eta festan. Goiztiarrenak eta irteera gehiena egiten dituztenak dira Beskoitzeko kaskarotak, baina ez bakarrak... [+]
Dezibelio eta argiztapen muturrekoak ohiko diren makro-ikuskizunen eta makro-estimuluen garaiotan, autismodun haurren bueltako elkarteek aspalditik egindako eskaera zabaltzen ari da pixkanaka, baita Errege Magoen desfileetan ere: ez musika, ez argiztapen, ez abiadura... [+]