Jaizkibeleko bi kidek alardean jasandako erasoak salatu ditu konpainiak
Alardea egin eta hilabetera argitaratu duen oharrean, Jaizkibel konpainiak erakunde publikoei egotzi die “legeak ez betetzeko bermea” eman izana alarde baztertzailea antolatzen duen elkarteari. Konpainia parekideak adierazi du “elkarbizitzaren garaia amaitzen ari dela eta eskubideen garaia” hasteko estrategia landu beharra dagoela. Alarde egunean gertatutako bi eraso salatu dituzte, bata kapitainari eta bestea konpainiako beste kide bati eta haren lagunei.
Konpainiak salatu duenez, Nora Ferreira kapitainari eraso egin zioten bere etxeko atarian alarde eguna baino lehenago. Irailaren 8an, alarde egunean, konpainiako kide batek eta haren lagunek “eraso fisikoak eta hitzezkoak” jaso zituzten.
Balorazio oharrean, konpainia parekideko partaideen jarreraz “harro” daudela azaldu dute, eta aldiz, erakunde publikoekiko haserrea adierazi dute. Alardea antolatzen duen HAOSE elkartearen jarduna legitimatzea egotzi diete Eusko Jaurlaritzari, Gipuzkoako Foru Aldundiari eta Hondarribiko Udalari.
Hondarribiko Udalari dagokionez, Jaizkibel konpainiari “sinestezinak” iruditu zaizkio Igor Enparan alkatearen adierazpenak. Alkateak, jaiak bukatutakoan, “bizikidetzaren aldeko pausoak” eman zirela aitortu zuen. Alarde egunean, ordea, espazio publikoaren erabilera arautzeko alkate-dekretuaren arabera, desfileen aurretik Gernikako Arbolan bat egin behar zuten Jaizkibelek eta konpainia baztertzaileek, eta Jaizkibelek salatu du konpainietako partaide oso gutxi gerturatu zirela.
Alarde bezperan, aurreskua dantzatzeko unean gertatutakoa ere ekarri du gogora konpainiak. Jaizkibelek lehenengo aldiz ofizialki hartu zuen parte ekitaldian eta konpainia baztertzaileak udal korporazioari planto egin zion eta ez zuen parte hartu. Jaizkibel konpainiak gaineratu du “espazioei eta batasun guneei uko egitea ez dela tentsioa arintzea, hautsa alfonbraren azpian gordetzeak etxea garbitzen ez duen moduan”.
Salaketak salaketa, Jaizkibel konpainiak iragarri du “konponbiderako orria berriz ere marrazteko lanean” jarriko dela. Estrategia partekatuak diseinatu eta eragileekin hitz egiten jarraitzeko prest dagoela esan du.
Jaizkibel konpainiak aurtengo jaien balorazioa egin berri du. Datozen hiletako estrategia definitzeko eta "konponbiderako orria berriz ere marrazteko" lanean hasi dira jada.
Alarde baztertzailean ardura duen kide bat Jaizkibel konpainiako kide baten kontra oldartu zen. Txosnako kideek inolako erasorik onartuko ez dutela adierazi eta babesa helarazi diote erasoa pairatu zuen pertsonari.
Jaizkibel konpainia berdinzaleak ekintza berezia egin du Hondarribiko alardearen egun honetan. Gutuna eman diote alkateari, mahai gainean bestelako planteamendu batzuk jar ditzala eskatuz.
Hondarribiko udal gobernuaren “ausardia faltaz”, kontsentsua bilatzearen tranpaz eta “gatazkaren espiritua berpiztu” nahi duen alarde tradizionalaren aldeko elkarteaz mintzatu zaigu Uxoa Anduaga, Jaizkibel konpainia berdinzaleko kidea. “Ez dira... [+]
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Inkestatuen %45,6k alarde parekide bakarra nahiago du herriarentzat eta %65ak baino gehiagok alardearen gatazka konpontzeko herritarrek gai horren inguruko hitzaldi eta tailerretan parte hartu behar dutela adierazi dute.
Alardean desfilatuta ere honek «herriaren benetazko errealitatea irudikatzen ez zuela» ikusita sortu zen 2019an Guztion Alardea, «herria polarizatua dagoelako, baina ikusten ez den masa gris handia dagoela irudikatu beharra zegoelako». Eneko Gonzalez eta... [+]
Hondarribiko Alardearen harira herrian aurten bizi izan den tentsioa garbi islatu du Igor Enparan alkateak, hondarribiar guztiei bidali dien eskutitzean. "Gezurrez eta gorrotoz betetako kanpaina pairatu dut. Zurrumurruak eta gezurrak zabaldu dira herritar guztion arteko... [+]
Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi... [+]
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.