Sare

"Jada ez da exijitzeko urratsik geratzen, espetxe politika aldatzeko unea da"

  • “Elkarbizitza eta bakea eraiki ahal izateko preso eta errefuxiatuen eskubide urraketaren aferak ardura kolektiboa izatera igaro behar du, ezinezkoa baita mendekuzkoak eta injustuak diren oinarrien baitan adiskidetutako jendarte bat eraikitzea”, adierazi du Sarek ETAren desegitearen ostean emandako prentsaurrekoan, Bilbon. "Helburua, oran, presoak", borobildu dute.

ARGIA @argia
2018ko maiatzaren 08a
Joseba Azkarraga eta Bego Atxa bozeramaileek presoen afera konpondu beharrezkotzat jo dute. (Argazkia: Sare)

Astearte goizean Sare Herritarrak prentsa agerraldia egin du Bilboko La Bolsa eraikinean ETAren disoluzioaren osteko bere irakurketa egin eta aurrera begirako ikuspegia elkarbanatzeko. Joseba Azkarraga eta Bego Atxa bozeramaileek “2018ko maiatzaren 4ean ETAk bere azken erabakia” hartu duela eta “desmobilizatu egin” dela ziurtatu dute, gaineratuz, “ETAko militante izan direnak, aske izan ala preso, gaur gaurkoz jada ez dira

ETAko kide, baita ondorio penalei dagokionean ere, jada ezin baitute existitzen ez den zerbaiten parte izan”. Bozeramaileek ideia hau argi utzi nahi izan dute, izan ere, haien ustetan “bada oraindik talde armatu baten existentziaz mintzo denik, gero eta zabalagoa den euskal jendartearen eskariei muzin egin asmoz, zeinak presoek bizi duten eskubide urraketarekin amaitu beharra dagoela eta elkarbizitzan bizitzeko prest dagoela aldarrikatzen du”.

Azkarraga eta Atxak ETA existitu den 60 urte hauetan “urteetako indarkeriaren oinazea eta mina” geratzen direla gogorarazi dute, hainbat eta hainbat “biktima eragin izanaren ardura bere gain hartuaz” apirilaren 8ko komunikatuan, adieraziz “indarkeriak ez zuela sekula existitu behar izan”. Horrez gain, gehitu dute, biktima hauei beste indarkerietako biktimak ere gehitu behar zaizkiela eta hauei ere “besteei zor diegun elkartasun eta errespetu bera” zor zaiela.

Ondorengoa adierazi dute prentsaurrekoan, bi puntutan laburtuta:

Lehenik, elkarbizitza eta bakea eraiki ahal izateko preso eta errefuxiatuen eskubide urraketaren aferak ardura kolektiboa izatera igaro behar du, ezinezkoa baita mendekuzkoak eta injustuak diren oinarrien baitan adiskidetutako jendarte bat eraikitzea, ezta zauriak eta hamarkadetako indarkeriak utzitako ondorioak sendatu gabe ere. Eta horregatik ere, gure instituzioei lehentasunezko gai gisa kokatzeko eta ardura bere gain ere hartzeko exijitzeko unea da.

Bigarrenik, Estatu espainiarrari erreferentzia zuzena eginez, aurrera urratsik ez eman eta euskal presoen giza eskubideen errespetuari muzin  egiteko aitzakien amaiera. Estatuak urteak daramatza ematen den urrats bakoitzeko exijentzia berri bat mahai gainean jarriz bere lege propioa dena ez betetzeko -presoen gerturatzea, larriki gaixo diren edo nagusiak diren presoen kaleratzea, graduen aplikazioa, kasu injustuen berrikustea...-. Jada ez da exijitzeko urratsik geratzen, espetxe politikan urratsak emateko unea da. ETAk bere jarduna amaitutzat emandu, jada amaitu dira aitzakiak, aurrerantzean urratsik eman ezean mendekua eta min injustua sortzen jarraitzeko grina baino ez dira geratzen, bereziki senideek, inolako errurik ez duten horiek, jasaten duten min injustu bat.

Sarek nabarmendu nahi izan du gizarte zibilaren rola egoera politiko hau lortzeko. "Bultzada hau gabe, ziurrenik, amaiera hau ez litzateke sekula gauzatuko, edota behinik behin, asko luzatuko litzateke".

Azkarraga eta Atxak gogorarazi dute 2011ko urriaren 20ko erabakia, besteak beste, gizarte zibileko hainbat eragileren  aurretiazko lanaren ostean eman zela, Harremanetarako Nazioarteko Taldearen babesarekin. 2017Ko apirilaren 8ko armagabetzea ostera “berau egingarri bilakatu zuen artikulatutako gizarte zibil baten arrakasta irudikatu zuen, kasu honetan Iparraldean”.

“Sarek, agerraldi honetan, pasaden maiatzaren 4tik garai berri bat bizitzen hasi garela azpimarratu nahi du. Zentzu honetan, hamarkadetako sufrimenduarekin amaitzeko eta koponbidean, adiskidetzean eta elkarbizitzan aurrera egiteko sortu den aukera paregabe hau galtzen ez uzteko gonbita luzatu nahi diogu, beste behin ere, gizarte zibilari eta euskal zein espainiar instituzioei”.

Sareko bozeramaileek adierazi dutenez “belaunaldi berri honek guk gure nagusiengandik jaso genuena baino jendarte hobe bat merezi dute. Eta horregatik, gizarte zibila da  instituzio, alderdi eta sindikatuekin batera, arduraz eta prespektibaz jokatu behar duena. Garai berri honetan ezin da inor bazterrean geratu”.

Gaixo dauden eta adinez nagusiak diren presoak askatzeko, baita Euskal Herrira gerturatzeko eskatu dute; baita espetxe eskumena bereganatzeko ere.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Euskal preso politikoak

Euskal preso politikoak kanaletik interesatuko zaizu...
Espetxetik atera da Hodei Ijurko hamar urteren ostean

Galiziako A Lamako espetxean izan da azken urteotan preso. Hamar urte eman ditu giltzapean kale borrokako ekintza zenbait egozten zizkiotelako. Iturramakoa da Ijurko eta harreman estua du baita Etxarri Aranatzekin ere.


2018-09-11 | Nahia Ibarzabal
Arrasateko Elkartasun Eguna larunbatean ospatuko dute

Euskal preso, errefuxiatu eta iheslarien aldeko eguna egingo dute arrasatearrek larunbatean. Etxian nahi ditugu eta kitto lelopean aldarrikapenak eta festa giroak bat egingo dute hamairugarren edizio honetan.


2018-09-10 | ARGIA
Urriaren 20ko "Orain presoak" manifestazioa Bilbotik Donostiara lekualdatu dute

Urriaren 20rako deituta dagoen "Orain presoak" manifestazioa azkenean Donostian izango da, antolatzaileek jakinarazi dutenez. Antiguako tuneletik aterako da 17:00etan eta helburua "milaka kilometrotara urrunduak diren eta giza eskubideak urratuak zaizkien euskal presoen egoerari irtenbidea" emateko eskatzea izango da.


2018-09-10 | Irutxuloko Hitza
Kalera Kalerak espetxe politika aldatzeko eskatu dio Espainiako Gobernuari

Euskal presoen aldeko manifestazio jendetsua egin du Kalera Kalerak. Kontxako estropaden bigarren jardunaldirako iragarri zuten, eta horrela egin dute.


2018-08-30 | ARGIA
Kepa Arronategi larri gaixo dagoen presoa Euskal Herrira hurbilduko dute

Kepa Arronategi euskal presoa Almeriatik Euskal Herrira gerturatuko du Espainiako Gobernuak, EiTBk jakinarazi duenez.


2018-08-29 | ARGIA
Presoen gerturatzeak egongo direla dio Marlaskak, baina zehaztapenik eman gabe

Euskal presoen gerturatzeak “jakina egongo direla”, adierazi du Espainiako Barne ministroak, “baina legediaren, objektibotasunaren eta bakarkako irizpideen arabera”. Gaiari buruzko zehaztasunik ez du eman Fernando Grande-Marlaskak, Espainiako Kongresuan egin duen agerraldian.


Foro Sozialak kezka azaldu du espetxe politikan aldaketarik eman ez delako

Foro Sozialeko koordinatzaile Agus Hernanek dio “oso arduratuta” daudela ez dutelako aldaketarik sumatzen espetxe politikan.


Alcala Mecon hildako bizkartzain ohiak euskal presoen egoera salatu zuen

Heriotza gertatu baino lehenago bizkartzainak berak idatzitako eskutitza eskuratu du Berriak.


2018-08-09 | Nahia Ibarzabal
"ETAko presoen hurbilketak egon daitezke uda bukatu baino lehen"

Presoen hurbilketa “bizikidetzara begira dagoen” espetxe politikaren barruan dagoela adierazi du Espainiako Gobernuak Euskal Autonomi Erkidegoan duen ordezkari Jesus Lozak. Sanz eta Moreno euskal presoak Basaurira hurbildu izana “legea zorrotz betetzea” dela dio.


La Manadako bortxatzaileak dispertsioaren aurkako pegatinak jarrita ibili ziren Sanferminetan

La Manadako kideak euskal preso politikoen dispertsioaren aurkako pegatinak paparrean jarrita ibili ziren Sanferminetan bost gizonen artean emakume bat bortxatu zuten gauean, beraiek beren buruari grabatutako bideoetan ikus daitezkeenez.


Azkenak
EGILEA
Eguneraketa berriak daude