ARGIA.eus

2022ko urtarrilaren 26a
Irungo Harrera Sareak salatu duenez:

Izotza den gauetan ere trantsitoan diren pertsonak aterpetxetik kanpo uzten dituzte

  • Irungo Harrera Sareak salatu du trantsitoan diren pertsonen egoera gero eta okerragoa eta arriskutsuagoa dela. Izan ere, zeropeko hotza egiten duen gauetan ere Gurutze Gorriak kudeatzen duen aterpetxetik kanpo uzten dituzte migratzaileak: "Iaz 225 pertsona utzi zituzten kalean". Bertako hainbat biztanlek egoera latz hau euro batzuk ateratzeko baliatzen dutela ere salatu dute: lau sosen truk Endarlatsara eramaten dituzte eta handik ibaia gurutzatzera bultzatu. Istripuak ere izaten dira, honen guztiaren ondorioz: "Joan zen ostiralean migratzaile batek polizia frantsesarengandik ihesi, femurra apurtu zuen eta ebakuntza egin behar izan diote", salatu du Irungo Harrera Sareak.

ARGIA @argia
2022ko urtarrilaren 11
Argazkia: angulaberria.info

"Urtarrilean pertsona migratzaile asko iristen ari da Irunera", ohartarazi du bertako Harrera Sarea: "Frantziako polizia mugan ezartzen ari den kontrol arrazista gero eta zorrotzagoa da, eta nahiz eta pertsona migratzaileak behin eta berriro saiatzen diren muga zeharkatzen, polizia frantsesak atxilotu eta Hego aldera ekartzen ditu bueltan bidegabeki". Urtarrilaren 6an, egun bakarrean, 50 pertsona baino gehiago iritsi ziren.

Negu gorrian

Gurutze Gorriak ezartzen dituen arauak betetzen dituzten pertsonek hiru gau pasatu ditzakete gehienez aterpetxean. Egun muga horrek arazoak sortzen dituela azaldu du Harrera Sareak: "Urtarrilaren 6an, zeropeko bi gradu genituela lau pertsona kalean utzi zituzten. Irungo Harrera Sareak hurrengo egunean bi kanpin denda jarri zituen pertsona hauek babesteko. Iaz 225 pertsona utzi zituzten kalean".

Frantziako poliziarengandik ihesi, femurra hautsi

Harrera Sareak salatu duenez, "ba omen da jendea pertsona hauen deseperazioaz baliatzen dena dirua ateratzeko, euro batzuen truke Endarlatsara hurbiltzen dituzte eta handik ibaia gurutzatzera bultzatu". Ibilera horietan istripuak ere izaten dira: "Urtarrilaren 7an migratzaile batek polizia frantsesarengandik ihesi, femurra apurtu zuen, ebakuntza egin behar izan diote eta gutxienez hiru hilabete beharko ditu bidaia jarraitu ahal izateko".

Azken mezua erakundeei luzatu die Irungo Harrera Sareak: "Beste izugarrikeriaren bat gertatuko ote beldur gara. Berriz ere eskatzen diegu erakunde guztiei, aitzakiak utzi eta benetako erantzukizunaz jokatzeko, egoeraren larriaz jabetu eta elkarrekin lan egiteko, neurriak har ditzatela pertsona hauek babesteko eta gizalegezko harrera duin bat eskaintzeko".

Kanal hauetan artxibatua: Migrazioa  |  Irun

Migrazioa kanaletik interesatuko zaizu...
2022-01-26
Hemezortzi pertsona hil dira itsasoan Kanarietara iritsi aurretik

Afrikako Tarfalla herritik abiatu ziren txalupa batean Kanariar Uharteetako Lanzarore irlara iritsi nahian, zehazki Arrecife hirira, Caminando Fronteras GKEtik jakinarazi zutenez eta baliteke 27 pertsona abiatu izana. Gertaerak oraindik ez daude garbi, ezta zenbat pertsona... [+]


2022-01-26 | Leire Artola Arin
Mediterraneoko erreskate batean hildako zazpi migratzaile aurkitu dituzte

Hamabost bat metroko luzeerako txalupan 280 migratzaile zeuden, eta Aita Mari ontziak erreskatean parte hartu du. Italiako Lampedusa uhartetik gertu zegoen txalupa, noraezean, eta itsaso mugitua zegoenez, Italiako kostazainen hiru ontzik gauzatu dute erreskatea; Lampedusan... [+]


2022-01-24 | Leire Artola Arin
Mikel Ibarguren idazlea atxilotuta eduki dute bost migratzaileri laguntzeagatik muga igaro ondoren

Frantziako Poliziak atxiki zuen ostiralean, Gipuzkoa eta Lapurdi arteko muga zeharkatu zuten bost etorkin furgoneta batean hartu eta gero. Bidarten geldiarazi zuten ibilgailua: migratzaileak Irunera itzularazi zituzten eta gidaria Hendaiako komisarian eduki zuten hurrengo... [+]


2022-01-24 | Garazi Zabaleta
Lurre Hurre
Migratzaileak nekazaritzan trebatzeko proiektua Bermeon

Bermeon jaiotako eta bertara etorritako herritarren artean hilean behin egiten zuten tertulia dago Lurre Hurre proiektuaren oinarrian. Elkar ezagutu zuen herritar talde horren harremanetik abiatuta, eta konfinamendu garaian migratzaile askok bizi zuten egoeraz jabetuta, egitasmo... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude