Ituñoren aurkako kanpaina: BMW, Iberia, eta izan automata
Presoen eskubiderako Sarek larunbaterako deitu zuen manifestazioan parte hartu zuen, beste urte batez, Itziar Ituño aktore basauritarrak. Eskuin muturreko eragile eta erabiltzaileek bere aurkako kanpaina jarri dute abian. Lehen neurriak heldu dira: BMWk eta Iberiak aktorearekin duten harremana eten dute.
Espainiako Estatuko hegazkin konpainia ezagunak, Iberiak, Itziar Ituño aktore basauriarra agertzen den bideo-iragarkiak sareetatik ezabatu ditu eskuin muturraren diskurtsoei men eginda. Inolako jakinarazpen edo adierazpen publikorik egin gabe borratu dute iragarkia.
Azalpenak –eta a zer nolakoak– eman dituena, ordea, BMW Lurauto izan da. BMWk Hego Euskal Herrian duen kontzesionario ofiziala da BMW Lurauto; berak kaleratu zuen atzo Itziar Ituño basauriarrarekin harremana etetea iragartzen zuen komunikatua. Adi adierazpen batzuei, honela diote: "Gu ez gara inolako pentsaera politikora lotzen, beraz, atsekabez hartu dugu gure irudia kutsu ideologiko jakin bateko ekintza batekin lotzea. BMW Lurauton gure konpromisoa berresten dugu aniztasunarekiko, inklusioarekiko eta jendartearen %100aren errespetuarekiko".
Gizartearen %100a errespetatzen dutela adierazten duten komunikatuan, kurioski, pertsona batetiko harremana eteten dute. Gizartearen "%100a errespetatzea" edota babestea posible balitz bezala, gainera –Carrefourrek ere esango ote du mundu osoaren errespetuan sinesten duela, eta Israel hornitzen jarraitu?–. Horrelako adierazpenak, praktikan jartzea ezinezko izateaz gain, despolitizazioa bultzatzearen aldekoak direla seinalatu dute hainbat erabiltzaileek sareetan.
Sareetan, era berean, asko eta asko dira BMW Lurautoren erabakia "apalegia" dela pentsatu dutenak. Erreparatu bestela txio honi eta erantzunei. Besteren artean, adierazpen hauek irakur daitezke: "Ez zen errazagoa terrorismoa kondenatzen duzuela esatea?" ; "Ideologia jakin bat ez da jendea hiltzea, hori terrorismoa da" : "Kosta zaizue ETAko kidea etxera bidaltzea" ; "Egin boikot BMWri, ez baitu terrorismoa seinalatzeko ausardiarik".
Horrez gain, zenbaitzuk baliatu dute afera BMWren iragan nazia gogoratzeko. Hitlerrekin harreman estua eta gertukoa izan zuen enpresaren jabe Quandt familiak; David de Jong kazetariak liburu batean jaso zuenez, Quandt familiari zin egin zion Hitlerrek "garai oparoak" biziko zituela nazismoa babesteagatik.
Ez da lehen aldia
Ez da lehen aldia ez Ituñok Sareren mobilizazioetan parte hartzen duena, ezta eskuin muturrak bere aurkako kanpaina abiatzen duena ere. Esaterako, 2017an, La casa de papel telesaila Espainiako telebista kate batek estreinatuko zuenean, telesailari boikota egitera deitu zuten.
Pirritx, Porrotx eta Mari Motots pailazoek Espainiako Estatuan jasan behar izan duten zentsura ere esanguratsua da. Kasu honetan, bide beretik dator gainera, Euskadiko PPren salaketari esker, Ertzaintza ikertzen ari delako Joxe Mari Agirretxe, Sarek manifestaziora deitzeko eginiko bideoan ageri delako Porrotx.
Sare: "Ezin gara isilik geratu lintxamendu publiko honek dakarren bidegabekeriaren aurrean"
Ituñori eta Agirretxeri babesa adierazteko, eta jasaten ari diren lintxamendua salatzeko, Sarek oharra kaleratu du astearte goizean. "Badirudi gizarte hau anitza dela ulertzeko gai ez direnei ez zaiela gustatzen euskal gizarteak konponbidearen eta bizikidetzaren giltzak izan nahi izatea", jakinarazi dute oharrean.
Horrez gain, adierazpen askatasunaren aldeko mezua ere aldarrikatu dute, baita eskubide hori baliatzeagatik jazartua eta kriminalizatua ez izatearen eskubidea ere, eta erakunde publikoei dei egin die, babesa adieraz diezaioten jazarpena pairatzen ari direnei.
Europan eta munduan arrazakeria gora doa, eta Euskal Herria ez dago joera horretatik salbu. Egun, herritarrak eta jendarteak eskuin muturraren baloreak bere egiteko bide nagusietakoa da arrazakeria. Arazoaren larritasunari tamaina hartzen saiatu gara, eta aztertu ditugu zenbait... [+]
Eskuin muturreko sekta erlijioso bateko kideek, Deierrin bizi direnek, 1986an erbesteratuen aldeko ekintza batean Hernanin hil zen Fernando Ros Abartzuzako gaztearen omenezko ekitaldiko bidea oztopatu zuten igandean.
Japoniako goi-ganberaren erdia berritzeko uztailaren 20an egindako hauteskundeek berretsi eta ondu egin dituzte aurreikuspenak: Alderdi Liberal Demokratikoak eta haren ia betiereko aliatua den Komeito konfesional eskuindarrak galdu egin dute Aholkularien Batzar horretan zuten... [+]
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]
Hainbat gauez jarraian, gorrotoa eta arrazakeria hedatu eta "etorkinen aurkako ehiza" egin dute Murtziako herri batean, "Espainia garbitzeko". Kolektibo antiarrazistek ultraeskuinaren inpunitatea salatu dute.
Espainiako Abokatu Kristauen Fundazioak Bilboko artista salatu du arrazoi beragatik, “eskarnio delitua” egin duela argudiatuta. EHZk barkamena eskatu die artistaren emanaldiak mindu dituenei, baina egoera gorrotoa sustatzeko baliatu dutenengandik “urrun”... [+]
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Donostiarra, defenda ezazu zurea leloarekin pankarta bat jarri dute, Jesusen Bihotza duen Espainiako bandera batekin batera.
Maiatzaren 5ean “Lo Vimos en Irun” WhatsApp taldea sortu zenetik, 700 lagun baina gehiago bildu dira larunbatetan patruilak antolatzen dituen taldera. “Segurtasuna bermatzeko” eta “delituak prebenitzeko” aitzakien gibelean, gorrotoaren haztegi... [+]
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Lanaren Ekonomia irratsaioan faxismoaren gorakada aztertu dugu, munduan eta Euskal Herrian gertatzen ari dena.