Italiako Giroak ez du Palestina aintzat hartuko Israelen presioei men eginez
Jerusalemen hasiko da 101. Italiako Giroa. Hasiera batean antolakuntzak hiriaren ekialde okupatua eta mendebaldea bereizi bazituen ere, Israelen presioen ostean, hala ez egitea erabaki du.
Maiatzaren 4an abiatuko da Italiako Giroa Jerusalemgo kaleetan barrena. 101. edizioa du aurtengoa eta lehenengo aldiz Europatik kanpo hasiko da lehiaketa, “munduari lasterketaren berri emateko helburuarekin”. Joan den irailean aurkeztu zuten Israelgo agintariekin batera.
Hasiera batean, lasterketaren antolakuntzak kaleratutako kartel eta bideoetan zehaztu zuten 2017ko Giroa Jerusalem mendebaldetik hasiko zela. Argi utziz, Israelek 1967an indarrez okupatutako Jerusalem ekialdea eta mendebaldea ez direla berdinak.
Erabaki horrek, ordea, haserretu egin zituen Israelgo agintariak eta hauek lasterketari ez laguntzearekin mehatxu egin zuten. Antolakuntzak men egin eta Jerusalem ekialde eta mendebaldea ez bereiztea erabaki du orain.
Lurralde okupatua
Israelek Jerusalem banatu ezin den hiritzat du, 1967an Sei Eguneko gerran okupatu eta 1980an elkartu zituenetik. Nazioarteko komunitateak ez du onartzen ekialdeko Jerusalem Israelen menpe egotea, lur okupatu gisa izendatuta dago. Palestinarrek Jerusalem, Al-Quds arabieraz, Palestinako hiriburutzat dute.
Giza Eskubideen aldeko 120 elkartek gutun bat sinatu berri dute, Italiako Giroa ez dadila Jerusalemen hasi eskatzeko, Israeli, “nazioarteko zuzenbidea ez betetzea eta palestinarren giza eskubideak ez errespetatzea” egotzi diote. Okupazio militarra ez dezatela normalizatu eskatu dute sinatzaileek. Ikusteko dago maiatzaren 4ean zer egingo duten Italiako Giroaren jarraitzaileek antolakuntzaren erabakiaren aurrean.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
“Palestinarrek askatasuna eta justizia izan arte, ez litzateke Israelera nazioarteko negoziorik eraman behar” diote manifestu batean 140 artistek. Aurtengo edizioa israeldar batek irabazi zuenez, oso posible da datorren urtekoa bertan izatea.
Sei hildako eta 20 zauritu zenbatu dituzte Gazan, Isrlaelek 80 misil inguru jaurti ondoren. Azpiegitura eta eraikuntza handiak izan dira helburu, tartean unibertsitate bat eta Al-Aqsa telebista-kate palestinarra. Bi gauez jarraian bonbardatu dute, Ma'an informazio agentziak dioenez. Hala ere, azken orduetan goruntz doa hildakoen kopurua.
Historia garaikidean bake akordio gutxik lortu dute Oslokoek ezartzen zituzten helburuen alderantzikatze eraginkorragorik. Ordutik mende laurdena bete ostean, Israelgo gobernuak ziurgabetasuna eta nahasmena baliatzen ditu, bai mundu mailan zein Euskal Herrian, bere gailentasun osoa inposatzeko.
Darin Tatour poeta palestinarrak bi hilabete pasa ditu espetxean, Facebooken olerki bat publikatzeagatik. Hasieran bost hilabeteko espetxe zigorra jarri bazioten ere, aske utzi zuten irailaren 20ean, Maan berri agentzia palestinarrak informatu duenez.
Gazan ehunka lagunek protesta egin dute asteartean, hilabete hasieran itxi zuten Beit Hanouneko pasabidetik gertu. Israelgo indarrek tiro egin zieten eta bi lagun hil. Bestalde, Ekialdeko Jerusalemen, beste palestinar bat ere hil dute tiroz.
Israelek enegarrenez Gaza bonbardatu du, gobernuaren esanetan Hamasek aurretik botatako misilei erantzunez.
Israelgo Defentsako Ministerioak eman du hesi berriaren albistea eta esan du Hamaseko kideak Israelera ez mugitzeko sortu dutela.
Hainbat ikasle eta zauritu palestinar doaz itsasontzian Israelek hornigai medikoak zeramatzaten bi itsasontziri eraso egin eta gero.
