Jesusen Bihotza plazatik 17:30 ean hasi den mobilizazioak milaka pertsona bildu ditu. Horietako askok zapatak eraman dituzte, bonben, balen edo Israelgo Estatuak eragindako goseteen ondorioz hildako haur palestinarrak oroitzeko. Udaletxean mobilizazioa amaitzean airera bota dituzte zapatilak sirena soinu artean.

Deitzaileen artean ziren eragile ugari; Palestinarekin Elkartasuna, Gernika Palestina, LAB, ELA, UGTE, CCO, Steilas, DBS Euskal Herria, Ikastolen Elkartea, Euskal Herriko Mugimendu Feminista, Euskal Eskola Publikoaz Harro etab.

Haurrek protagonismoa handia eduki dute manifestazioan zehar. Beraiek izan dira manifestazioaren buru palestinar bandera eta ikurrinarekin. Txikiak jarraituz, pailazoak eta Palestinan hiltzen dituzten horiek gure haurrak ere badira lelodun pankarta eutsiz hezkuntza komunitateko ordezkariak.

“Israelek gosea gerra-arma gisa erabiltzen jarraitzen du, haurrak hiltzen jarraitzen du, eta kolonizazioa ez da gelditu”, esan zuen Gure Haurrak Badira plataformako Mikel Elortzak. Salatu duen Israelgo kartzeletan gatibu 360 hamazortzi urtez azpiko haur daudela, “2016 hasieratik erregistratutako kopururik handiena”.