Istilu handiak Grezian, 57 lagun hil ziren tren istripuaren bigarren urteurrenean
Poliziaren eta manifestarien arteko talkek atxilotu eta zauritu ugari utzi dituzte ostiralean herrialdeko hiri nagusietan. Herritarrek gertatukoaren erantzuleak zigortzea eskatu diote gobernuari, ez baita oraindik istripuaren inguruko epaiketarik ireki. Greba orokorra deitu zuten herrialdeko sindikatu handienek.
Greba orokorra deitu zuten ostiralean herrialdeko sindikatu handienek: sekulako babesa izan zuen deialdiak, eta protestak antolatu ziren Greziako 346 hiritan, Zuk irabaziak zenbatzen dituzu [gobernuari erreferentzia eginez], guk hildakoak lelopean. Egun horretan bi urte bete ziren 2023ko otsailaren 28an Tempe haranean bi trenek elkar jo –bata bidaiariena eta bestea merkantzia trena– eta 57 lagun hil zirenetik.
Hegaldiak eta tren zerbitzuak bertan behera gelditu ziren herrialde osoan, eta garraio publikoan eragin handiak izan zituen 24 orduko grebak. Greziako hiri handienetan denda asko itxita egon ziren egun osoan zehar. Poliziaren arabera, 300.000 herritar inguru bildu ziren Atenasen eginiko manifestazioan, eta 800.000 antolatzaileen arabera.
Hasieran modu baketsuan igaro baziren ere, une batetik aurrera Poliziaren eta manifestarien arteko istiluak piztu ziren kaleetan. Sare sozialetan argitaratu diren hainbat bideotan ikus daitekenez, hainbat pertsona molotov koktelak jaurtitzen hasi ziren agenteei eta Greziako Parlamentura sartzen saiatu ziren. Atenasen bakarrik bost pertsona zauritu eta 80 atxilo eraman zituzten, Poliziak emandako datuen arabera.
Gobernuaren erantzukizuna
Istripuaren bigarren urteurrenaren aurreko egunean, Aireko eta Trenbideetako Isripuak Ikertzeko Agintaritza Nazionalak ezbeharra trenbide sarearen "segurtasun hutsuneek" eragin zutela azaldu zuen, eta oraindik konpondu gabe daudela arazo horiek. Agintariek, esaterako, ez zituzten publiko egin zaintza kameren grabazioak, ez zuten gorpuen autopsiarik egin eta manifestariek leporatu diete istripuaren frogak "ezkutatu" zituztela, ezbeharraren hondakinak berehala kendu baitzituzten.
Oposizioko alderdiek Greziako Gobernuaren buruan dagoen ND Demokrazia Berriari istripuaren arrazoiak "ezkutatzea" leporatu diote. Hurrengo asteazkenean Kyriakos Mitsotakis lehen ministroaren aurkako zentsura mozio bat aurkeztuko du Pasok Alderdi Sozialista Panheleniarreko presidente Nikos Andrulakisek.
Portadako irudia: al Jazeera
Ezer geratu bada argi pasa den astean Londresen Txinako eta AEBetako merkataritza-arduradunen artean adostu zuten “esparru-akordioan” (batek daki zer esan nahi duen zehazki esamoldeak; “Genevako akordioari buruzko akordioa” dela diote batzuek), hauxe izan... [+]
Israelek ostiralean Irani eraso egin ostean, azken horretako lider nagusi Ali Khameneik "mendekua" iragarri zuen. Israelen erasoek dagoeneko 224 lagun hil dituzte Iranen; 23, berriz, Iranek Israelen eginikoek, horietatik zortzi igandean. Irango Parlamentuan NPT Arma... [+]
Mingainari kosk txikia eginda joan ginen oporretan Kanarietako Lanzarote irlara. Maiatzaren erdian, turista asko-askorik topatuko ez genuela jakinda, prezio guztiak ere merkeago, eta hara eta hona mugitzeko lasaitasun gehiago. Espero bezalaxe izan zen. “Esperientzia”... [+]
CAFek urteroko akziodunen batzarra egin duen egun berean, Jerusalemgo trenaren martxan duen tren proiektua bertan behera uztea exijitu diote Donostian eginiko manifestazioan. Amnesty Internationalek hitza hartu du tren ekoizlearen akziodunen batzarrean, eta Israelen "legez... [+]
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Israelek Iranen aurka orain arte egindako aire eraso gogorrena egin du ostiral goizaldean, Leon operazioa-rekin. Erasoan, Israelgo Armadako 200 bat gerra hegazkinek hartu dute parte eta kalte handiak eragin dituzte Iraneko nuklear programa garatzeko eta misil balistikoak... [+]
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Dagoeneko 30 hiri inguru batu dira politika migratorioen eta militarizazioaren aurkako protestetara eta larunbaterako 1.800 hiritan dituzte protestak deituta. Los Angelesen egin bezala, hiri horiek ere militarizatzeko xedea aipatu du Trumpek. Guardia Nazionala hedatu dute... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]