Israelgo presondegietako torturak argira ekarri ditu The Independent komunikabideak
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen arabera, gaur egun 9.500 palestinar dira preso baldintza bortitz eta kaskarretan.
2023ko urriaren 7az geroztik, Israelgo Estatuak indarkeria sexualak "gerra estrategia gisa" sistematikoki bideratzen dituela salatu zuen martxoaren 13an Nazio Batuen Erakundeak. Egun batzuk lehenago, palestinar preso ohi batzuek zituzten Israelgo presondegietan pairaturiko "sexu indarkeria" kasuak entzunarazi Genevako NBEren egoitzan. "Orokorturiko politikatzat" jo zituen, funtsean, Sahar Francis abokatu palestinarrak ere, "sexu gehiegikerien" gauzapen sistematikoa salaturik.
Errealitate horri buruzko ikerketa bideratu eta Israelen presondegietan torturaturiko palestinarren lekukotasunak plazaratu ditu The Independent komunikabideak martxoaren 29 honetan. Horrela hasten da erreportajea: "Israel hegoaldeko base militar bateko ziega batean lotuta eta kurubilkatuta, bost soldaduk inguratuta aurkitu da palestinarra. Txakurrekin armatuta, ostikoak eta ukabilkadak eman omen zizkioten, hankekin zapalduta lurrean zegoen gizona. Jotzen jarraiki eta taser pistolekin eta objektu zorrotzekin eraso egin zioten, tresna horiekin sexu abusuak bideratuta. Une batean, soldaduek hain gogor sastatu omen zuten, ipurmasailak eta uzkia zulatu zizkiotela. Eraso bortitz horren ondorioz, gizona ospitaleratu zuten, birika zulatuta, saihetsak pitzatuta eta ondestea urratuta, estoma bat behar zuela. Ez zioten inolako deliturik leporatu".
Gisa horretako torturen berri irakurri daiteke The Independent-ek plazaraturiko idatzian. Eraso bortitzak, nahitara inposaturiko lo faltak, sexu indarkeriak eta mediku arreta jasotzeko eskubidearen urraketak, anitzak dira Israelgo presondegietan bideraturiko basakeriak. Tortura gehienak bi atxilotze zentrori dagozkie, Zisjordania okupatuko Ofer espetxearen barruko instalazio militar berriari eta Israel hegoaldeko Sde Teiman base militarrari. Modu anonimoan hitz egin duen Sde Teimaneko zaindari baten lekukotasuna ere bildu du komunikabideak eta argiki onartzen ditu palestinarren tortuak. Galdeketa batean bideratu indarkeria gelditzeko oharra eginik, ondokoa erantzun zioten lankideek: "Ixo, zu ezkertiarra, gazatarrak dira, terroristak dira, zer gertatzen zaizu?"
Torturak, hil arte
PHRI Israelgo Giza Eskubideen aldeko Medikuak egiturako Naji Abbasen arabera, 70 preso palestinar hil dira 2023ko urriaren 7az geroztik Israelgo presondegietan. Baina ez da fenomeno berria, dioenaz, 1967az geroztik 200 inguru palestinarrek dutelako bizia galdu Israelen ziegetan.
Atxilotuta zegoela hil zen gizon bati buruzko autopsia txosten batek agerian uzten du, demagun, garun-hemorragia gertatu izana eta horren oinarrian diren "eraso bortitzak" eta "euste-bideen gehiegizko erabilerak". The Independent-ek ohartarazten duenari segi, hildakoen senideek autopsia bideratzeko mediku independente bat ukan dezakete, baina kasu anitzetan ez da horrelakorik bideratzen, eta israeldarren esku gelditzen da heriotzaren kausak argitzeko bidea.
Adnan al-Bursh kirurgilari palestinarraren kasua ere aipatzen da kazetaritza ikerketan, iazko apirilaren 19an presondegian hilda atzemandakoarena.
Yasmine alargunak dioenez, bere senarrari buruzko informazioa biltzen aritu da, besteak beste, askaturiko presoekin hitz eginda: "Atxilotu aitzin 90 kilo pisatzen zuen, baina, itxuraz, bere pisua nabarmen jaitsi zen, 55 kilo inguru izateraino". Biziki janari guti jasotzen zuen, bizirauteko adina bakarrik. Eskuburdinak jarrita egon behar zuen, kokoriko jarrita, burua belaunen gainean zuela. Adnan al-Bursh zenaren gisara, 2023ko urriaren 7az geroztik 250 osasun-langile dituzte atxilotu Gazan, eta horietarik 180 bat dira oraindik preso Israelen presondegietan. Gaur egun, orotara 9.500 preso palestinar inguru kontatzen ditu beraien eskubideen defentsan dabilen Addameer elkarteak.
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]
Atxilotutako hamabi ekintzaileetako batzuk beren herrialdeetara bidaltzen hasi dira, baina zortzik uko egin diote deportazio dokumentuak sinatzeari. Astelehen goizaldean bahitu zuen Israelek Madleen itsasontzia nazioarteko uretan, Gazako kostaldetik 150 kilometro ingurura,... [+]
Zazpi auzotarako eta Jabaliako errefuxiatu-kanpalekurako aginduak eman ditu estatu sionistak, eta ohartarazi dute "babesleku" izendatutako eremuak erasotzeko "patroi" bat jarraitzen duela.
Gazara laguntza humanitarioa eramateko, duela astebete abiatu zen Madleen itsasontzia Sizialiatik (Italia). Askatasunaren Ontzidiak salatu du nazioarteko uretan zihoazela gelditu dituela Israelgo armadak, Gazako kostaldetik 150 kilometro ingurura. Israelera eraman dituzte... [+]
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.