Israelgo kolonoen erasoak %78 areagotu dira pandemia hasi zenetik

  • Koronabirusak eragindako pandemiaren egunetan, Zisjordania okupatuan palestinarren aurkako indarkeria handitu dute kolono israeldarrek, giza eskubideen aldeko Al Haq erakundeak zabaldu duenez.


2020ko apirilaren 12an - 11:30
Argazkia: Hispantv

Electronic Intifada hedabideak gogorarazten duenez, António Guterres Nazio Batuetako idazkari nagusiak pandemiaren hedapena oztopatzeko su-eten orokorra eskatu zuen. Handik gutxia Israelek bi palestinar hil zituen, horietako bat haurra, eta ordutik haien erasoak areagotu besterik ez dira egin.

"Israelek Zisjordanian eraso militarrei eutsi die, atxiloketak eta atxiloketa administratibo zabalak egin ditu, kolonoek indarkeria maila handitzea ahalbidetu du eta Gazako Zerrendaren blokeo bortitzari segida eman dio", adierazi du Al Haq eskubide palestinarren erakundeak.

Martxoko azken bi asteetan kolonoek palestinarren aurka egindako erasoen kopurua ohi baino %78 altuagoa izan da, OCHA NBEko behatokiaren arabera. Denbora tarte horretan, "gutxienez kolono israeldarren 16 eraso izan dira, horietan bost palestinar zauritu dituzte eta jabetzari kalte handiak eragin dizkiote", OCAHk jakinarazi zuenez.

Koronabirusari aurre egiteko, Palestinako Aginte Nazionaleko lehen ministro Mohammad Shtayyehk Zisjordaniako (Ekialdeko Jerusalem barne) palestinar guztientzat bi asteko konfinamendua agindu bazuen ere, denbora horretan bere erabakiak ez zuen inolako eraginik izan legez kanpoko kolonietan bizi diren 800.000 bat israeldarrentzat. Kolono horiek zenbait errepide, janari-denda eta gasolindegi partekatzen dituzte palestinarrekin, eta maiz irainak, eraso fisikoak eta jabetzari kalteak eragiten dizkiete.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude