Israelgo armadak Gazako hainbat lekutan egin du eraso
Gaur goizaldean Israelgo Armadak beste eraso bat egin du Gazako Zerrendaren eta Rafah hiriko bidegurutzearen aurka, eta hiru lagun zauritu dira (horietako bi haurrak dira) Haaretz Israelgo egunkariak azaldu duenez. Israelgo Armadak baieztatu du bere operazioa igande goizean Gazako Zerrendatik egindako kohete jaurtiketen erantzuna izan dela.
Israelgo Armadak helikopteroetatik Gaza ekialdean dauden eraikinen kontra tirokatu du eta aldi berean israeldar abiazioak Rafah hiriko bidegurutzea zeharkatzen duten tunelen kontra bonbardatu du, Israelgo Armadaren irratiak eta Palestinako Maan agentziak adierazi dutenez. Bonbardaketan hiru lagun zauritu dira eta horietatik bi haurrak ziren.
Israelgo armadak adierazi du operazioa igandean Gazako Zerrendatik egindako kohete jaurtiketen erantzuna izan dela. Beersheba eta Netivot herrien aurka egindako erasoan zazpi lagun zauritu ziren Israelgo The Terusalem Post egunkariaren arabera. Israelgo lehen ministro Benjamin Netanyahuk ohartarazi zuen igandean bertan kohete jaurtiketei erantzun egingo ziola Israelek. “Terroristei esan nahi diet ezin dituztela Israelen aurkako koheteak jaurti inolako zigorgabetasunik gabe”.
Israelgo Armadak azken egunetan palestinarren aurka egin duen hirugarren erasoa izan da gaur goizekoa. Pasa den asteazkenean Israelgo abiazioak palestinar milizianoen ustezko kuartel bat bonbardatu zuen eta hiru lagun hil zituzten. Ostegunean ustezko hiru miliziano gehiago hil zituen Israelgo Armadak.
Larunbatean egin zuten ekintza, Bilbo erdigunean. Honela zioen pankartak: Bilbo Palestinarekin. Hiri antisionista. Israeli boikota. Hotelaren sarreran hamarnaka lagunek Palestinaren aldeko eta Israeli boikota egiteko deia egin dute.
Ehunka herritarrek egin dute bat hainbat hezkuntza zentrok, guraso elkartek eta sindikatuk antolatutako deialdiarekin, Palestinako umeak gureak ere badira. Genozidioa gelditu! lelopean. Sarea Euskal Herri osora zabaldu nahi dute sustatzaileek.
Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]
Aste nekagarri bateko igandea da. Gauza gutxi egiteko, nahiz eta beti egon zeregina etxean, urgentziazkorik ez oraingoan. Dolce far niente-rako aproposa, eguraldia ere dudakoa delako. Etxean geratzeko egun egokia. Herrian, baina, eguerdirako manifestaziora deituta dago Gazaren... [+]