Israelgo armadak berriz bonbardatu du Gaza eta eskala handiagoko erasoekin mehatxatu du
50 gune baino gehiago bonbardatu ditu Israelek Gazako zerrendan astearte goizaldean. Erasoak 14 zauritu utzi ditu momentuz, baina kopurua igotzea aurreikusten da, etxebizitza asko erabat suntsiturik geratu baitira. Israelgo armadak erasoak areagotuko dituela adierazi du.
Astelehenean Israelgo lehen ministro Benjamin Netanyahuk Gazaren kontrako erasoak ez zirela areagotuko adierazi zuen arren, Gobernu israeldarrak jarrera aldatzea erabaki du.
Hamasen kontrako "Ertz Babesle" operazioari hasiera eman dio eraso honekin eta armada israeldarraren iturriek Haaretz egunkariari adierazi diotenez, hurrengo egunetan eraso gehiago egingo dituzte. Lurreko ofentsiba militarra egiteko ere prestatzen ari direla esan dute iturri berdinek.
Hamasek komunikatu baten bidez erantzun du, esanez beraiek ere “erasoak handiagotuko dituztela”, Israelek eraso egiteari uzten ez badio.
Informazio gehiago:
Ekialde Hurbileko gatazka honi buruzko informazio ugari aurkituko dugu ARGIAren Palestina kanalean.
Titularra irakurri eta baten batek pentsatuko du esajerazio bat dela, neurriz kanpoko orokortze bat egin duela kazetariak. Israelgo informazio zerbitzuetako sei langile ohien lekukotasunetan oinarrituriko 'Lavender': The AI machine directing Israel's bombing spree in... [+]
Nazioarteko eta Israelgo hedabideek zabaldu dute Nazioarteko Zigor Auzitegiak (NZA) asmoa duela Israelgo zenbait agintari atxilotzeko, gerra krimenak eta gizateriaren aurkako krimenak egotzita.
Turkiak jakinarazi du Israelekin zituen merkataritza harreman guztiak eten dituela eta Nazioarteko Justizia Auzitegian Israelen aurkako genozidio salaketarekin bat egitea eskatuko duela.
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.
34.500 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.