Israelek Yemen bonbardatu du, gerra zabaltzeko arriskua areagotuz
Hodeidahko portuan gutxienez sei pertsona hil dituzte sionistek larunbatean. Ostiralean, Huthiek Tel Avivi eraso egitea lortu zuten lehen aldiz.
Gazako genozidioak gatazka eskualdean zehar zabaltzeko beste pauso bat eman du asteburuan. Yemengo huthiek ostiralean Tel Aviv bonbardatu zuten, eta Israelek ordainetan Yemengo Hodeidah portu garrantzitsuari egin dio eraso. Huthiek azarotik ari dira Itsaso Gorrian Israelekin lotutako zamaontziei eraso egiten Palestinarekiko elkartasunez.
Israelek hegazkin militarrekin bonbardatu du Hodeidah larunbatean, sei pertsona hil eta dozenaka zauritu ditu. Portuko petrolio biltegiak ere kolpatu dituzte erasoan, eta sute handia sortu da inguruetan. Israelen esanetan, Iranek huthiei egindako arma bidalketak oztopatuko dituzte horrela denbora batez. Iranek Yemengo bonbardaketa salatu du, esanez gatazka areagotzea ekar dezakeela, eta ukatu egin du huthiak armaz hornitzen ari denik.
Yemengo huthiek iragan ostiralean Tel Aviven izandako leherketa aldarrikatu dute. Mediterraneoko hiriaren erdialdea bonbardatu dute drone eraso batean, eta lehen aldia da huthiek Tel Aviv jotzea lortzen dutena. AEBetako enbaxadaren bulego batetik gertu izan da erasoa. Pertsona bat hil eta beste hamar zauritu dituzte. Lehen aldia ere bada huthiek Israelen hildako bat eragiten dutena. Haien droneak 1.800 km bidaiatu ditu, eta “giza akats” baten ondorioz izan du arrakasta erasoak, Israelgo Defentsa Ministerioko agintarien arabera, nahiz eta sei minutuz identifikatua izan dute dronea.
Huthiek esan dute drone mota berria erabili dutela, radarrak saihesteko gai dena, Jaffa izenekoa. Jaffa Palestinako merkataritza hiri garrantzitsua zen 1948an Israelek inbaditu zuen arte, eta egun Tel Aviv hiriak irentsia du.
Huthien elkartasun kanpaina militarra
Azaroan hasi zen Yemengo milizia xiita Itsaso Gorriko pasabidea oztopatzen Israelekin lotutako ontziei. Eraso ugari egin dituzte, eta Suezko kanaleko merkataritza garraioan murrizketa ikaragarria egon da ondorioz. Israelgo Eilat portua bertan behera gelditu da, hein handi batean huthien eraginez.
Huthiek, edo Ansar Allah talde xiitak, Yemengo lurraldearen gehiengoa dute kontrolpean, hiriburua barne, 2014an gobernuaren aurka altxatu zirenetik. Iran eta Hezbollahrekin dute lotura, eta adierazi dute Israelen aurkako kanpaina militarra mantenduko dutela Gazako genozidioak indarrean dirauen bitartean.
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Israelek 33 palestinar hil ditu Gazan igandetik astelehenera bitartean, horietatik sei janari bila zihoazela. Israelgo armadak jakinarazi du Gazan bahituta zituzten hiru israeldarren gorpuak berreskuratu dituela. Bestetik, Mahmud Khali AEBetako Columbia Unibertsitateko ikaslea... [+]
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
3.000 zauritu ere utzi dituzte Israelgo armadaren erasoek. Maiatzaren bukaeran berrekin zioten laguntza humanitarioari, GHF fundazio estatubatuarraren eskutik; eta ordutik, bertaratutakoei tiro egin diete soldadu israeldarrek.
Duela urtebete, toki honetan bertan, existitzen ez zen herri bati buruz idatzi nuen, eta existitzen ez den herri horrek Palestinako genozidioa geldiarazten lagunduko zuela amestu nuen. Argi dago ez dugula lortu. Urtebete geroago, oraindik ere, haurren hilketa masiboak eta herri... [+]
Euskal Herriko ordezkaritza gara Gazara Martxan. Egiptora etorri gara mezu argi batekin: genozidioa salatzeko, blokeoarekin amaitzeko eta Israel estatu genozidarekin harreman guztiak eteteko exijitzeko.
Gure elkartasun ekintzaren aurrean, aginte sionistaren eta... [+]
Antolakuntzak salatu du Poliziak jarraitzen duela martxako partaideak atxilotzen eta tratu txarrak ematen. Kezka berezia agertu du Saif Abukeshek martxako presidentekidearen egoeragatik: astelehen arratsaldean atxilotu zuten, tratu txar “larriak” eman... [+]
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.