Israelek hil dituen milaka palestinarren izenak irakurriko dituzte azpeitiarrek abenduaren 22an

  • Abenduaren 22an Azpeitiko herriko plazan egingo dute Gazako sarraskia salatzeko ekimena. Herritarrek bata bestearen atzetik irakurriko dituzte ahoz goran Israelek hil dituen dozenaka milaka palestinarren izenak.


2023ko abenduaren 12an - 09:20
Azken eguneraketa: 11:17
M.Dahman - Associated Press

Israelen genozidioa salatu eta palestinarrei elkartasuna adierazteko ekimen berezia antolatuko du Azpeitiko Elkar-Ekin taldeak abenduaren 22an. Urriaren 7tik aurrera hil dituzten milaka palestinarrak gogora ekarriko dituzte, honezkero 18.000 baino gehiago dira. Ekimenean parte hartuko duen herritarrek txandaka eta ahoz goran izen zerrenda bat irakurriko dute bi-hiru minututan. Irakurketa herriko plazan  egingo dute herritarrek eta hainbat orduz luzatuko da ekimena.

Parte hartzaile bakoitzari aurrez emango zaio irakurri beharreko izenen zerrenda. Dagoeneko 110 boluntariok eman dute izena irakurketa egiteko eta abenduaren 18 arte aukera egongo da nahi duen pertsona orok izena emateko. Behin parte-hartzaile guztien zerrenda itxita zehaztuko dituzte bakoitzari dagozkion ordutegia, izen-zerrenda eta ekimenaren beraren hasiera eta amaiera orduak.

Irakurraldian izena emateko: Whatsapp edo Telegram bidez 615715961 telefono zenbakira edo e-posta bitartez elkar_ekin@hotmail.com


Kanal honetatik interesatuko zaizu: Gazaren aurkako sarraskia
Netanyahuk ez dauka “gerra osteko” planik Gazarako

Yoav Gallant Israelgo Defentsa ministroak publikoki leporatu dio Netanyahuri “gerra” amaitzerako planik ez izateak Israel behartuko duela Gazan kontrol militar eta zibila inposatzera. Palestinako Aginte Nazionalaren egitekoari buruzko eztabaidak talkak sortu ditu... [+]


Urriaren 7az geroztik, 142 kazetari hil ditu Israelek Gazan: bi egunero kazetari bat

Gerra garaian zentsurak eta propagandak berebiziko lekua hartzen dutela jakina da, eta horren froga bat gehiago dugu Israelek Gazan bideraturikoa. Hala ere, prentsa askatasunaren alde dabiltzan egiturak izugarri kezkaturik dira: ez da munduan eta historian zehar beste gatazkarik... [+]


Israeli boikota egitera deitu dute Hego Euskal Herriko hiriburuetan, Nakbaren urteurrenean

Duela 76 urte abiatutako Nakbak martxan jarraitzen duela salatu dute hiri eta herri ugaritan. 5.500 euskal herritar inguruk egin dute bat BDZk antolatutako mobilizazioekin. Larunbatean manifestazioa izango da Iruñean, 12:30ean.


Sionistak sabotajeak egiten ari dira Gazara laguntza humanitarioa daramaten kamioietan

Ehunka sionistek eserialdia egin dute Israel hegoaldean, bidea oztopatzeko Jordaniatik datozen kamioiei. Zisjordanian laguntza humanitarioa zeraman konboi bati eraso egin eta produktuak suntsitu dituzte.


Eguneraketa berriak daude