Israelek Gazari eraso egin dio bart
Hamasek suziri eta mortero jaurtigaiekin Tel Aviv-i eraso egin izana erabili du Gazari eraso egiteko aitzakia gisa Israelek. Palestinako talde batek ere ez du bere gain hartu Israelek ahotan hartutako erasoa.
Astelehen gauez egin dio eraso Israelgo armadak Gazari, armadak berak baieztatu duenez. Besteak beste, Beit Hanoungo eta Beit Lahiko azpiegitura militarrak eta Ismail Haniyeh Hamaseko buru politikoaren bulegoa bonbardatu dituzte. Armadak ez dela inor hil adierazi duen arren, Gazako Osasun Ministerioak emandako informazioaren arabera bonbardaketak gutxienez zortzi pertsona zauritu ditu, horietatik bi adin txikikoak.
Tel Avivera jaurtitako suziri batek zazpi israeldar zauritu izanagatik burutu du Israelek erasoa. Alabaina, Palestinako ezein taldek ez du hartu bere gain erasoa. Gazako fakzio militarren operazio guneak, bere aldetik, ohartarazi du "okupazioari jasanezin egingo zaion erantzun gogor eta kolektiboa" eman diezaioketela bide horretatik jarraitu ezkero.
Antonio Guterres NBEko idazkari nagusiaren bozeramaileak “alde guztiei ahalik eta gehien eusteko” eskatu die.
AEBak, Golango gainen subiranotasuna Israeli esleitzen
Bonbardaketaren biharamunean, Golango gainen subiranotasuna aitortu dio Israeli AEBetako presidente Donald Trumpek. Benjamin Netanyahu Israelgo lehen ministroarekin bilduta, eremuok Israelenak direla aldarrikatzen duen adierazpena sinatu du Trump-ek, Israel eta Palestinaren artean izandako negoziaketetan NBEk xedatutako mugak errespetatu gabe. Ekintza hau, Israelek Jerusalem herrialdeko hiriburu bihurtzeko xedez abiatutako kanpainaren parte da.
NBEren arabera, Israelek indarrez hartu zuen Golango gaina eta Siriarena da izatez. Eremua 1967ko Sei Eguneko Gerratik dauka militarki harturik Israelek, eta nazioarteko zuzenbidean krimentzat jotzen den arren, koloniak eraiki dituzte bertan.
Erandioko Carrefour katearen merkatalgunean protesta egin zuen barikuan Khalas! Palestina Uribe Kostako taldeak, "Gazako sarraskian duen konplizitatea salatzeko". Ekintza horren bitartez, bezeroak informatu, kontzientziatu eta "Israelen kolaboratzailea" den... [+]
Mundu osoan zehar unibertsitateko ikasleek Palestinaren alde antolatzen ari diren protestetara batzeko deia egin du Ikasle Abertzaleak antolakundeak. Olatua AEBetan abiatu bazen ere, bost kontinenteetan egin dira kanpaldiak eta protestak azken asteetan. Palestinako ikasle... [+]
Gasteizko hezkuntza komunitateko hainbat zentrok eta eragilek ekimena antolatu dute maiatzaren 10erako, Palestinako umeak gureak ere badira. Genozidioa gelditu! lelopean. Urriaz geroztik zenbait eskola ekimenak antolatzen hasi ziren Paletinarekin elkartasunez, nork berea;... [+]
Titularra irakurri eta baten batek pentsatuko du esajerazio bat dela, neurriz kanpoko orokortze bat egin duela kazetariak. Israelgo informazio zerbitzuetako sei langile ohien lekukotasunetan oinarrituriko 'Lavender': The AI machine directing Israel's bombing spree in... [+]
Nazioarteko eta Israelgo hedabideek zabaldu dute Nazioarteko Zigor Auzitegiak (NZA) asmoa duela Israelgo zenbait agintari atxilotzeko, gerra krimenak eta gizateriaren aurkako krimenak egotzita.