Israelek Gaza bonbardatzen jarraitzen du, eta ehunka dira hildakoak
Hamasek larunbat goizaldean espero gabeko erasoa jo zion Israeli, eta erantzuna bortitza izan da. Israelek gerra deklaratu du, eta Gaza bonbardatzen dihardu bi egunez. Palestinako Aginte Nazionalak nazioarteko babesa eskatu du: “Ez utzi Gazako palestinar guztiak hil ditzaten”.
Israel eta Palestinaren arteko gatazkak asteburuan eskalada izan du, eta ehunka hildako utzi ditu; milatik gora, bi aldeak elkartuz gero. Larunbat goizaldean Hamasek “aurrekaririk gabeko” erasoa jo zuen, eta ustekabean harrapatu zituen Israelgo indarrak. 5.000 suziri bota zituzten ekintzaileek, lur, aire eta itsaso bidez egin zuten eraso, eta hamarnaka milizianok lortu zuten 50 puntutan muga pasa eta zenbait herriren kontrola hartzea. Hamasek Israelen aurka egindako orain arteko erasorik handiena da, eta Jihad Islamikoak –Gazako bigarren talde armaturik handiena– bat egin du erasoarekin. Jakinarazi dutenez, erasoa egin dute aurre egiteko "okupazioko krimenei", Al Aqsa mezkitaren aurkako "etengabeko profanazioari" eta kolono israeldarrek palestinarren aurka aurten areagotu dituzten erasoei.
Israelgo hainbat militar eta zibil bahitu zituztela baieztatu du Hamasek, eta Saleh al Arourim goi kargudunak ohartarazi du preso palestinar guztiak –horietako asko gose greban daudenak– askatzeko baliatuko dituztela bahiketak, besteak beste. Gutxienez 700 israeldar hil eta 2.245 zauritu dituzte, azken datu ofizialen arabera.
Israelen erantzuna izan da Gaza bonbardatzea, eta Benjamin Netanyahu Israelgo lehen ministroak gerra deklaratu du: “Inoiz ikusi gabeko prezioa ordainduko dute”. Larunbatetik Gaza bonbardatzen ari da Israel, eta gutxienez 413 palestinar hil eta 2.300 zauritu dituzte, bertako osasun iturrien azken datuen arabera.
Palestinako Aginte Nazionaleko Kanpo ministro Riad al Maliki-k nazioarteko babesa eskatu du: “Ez utzi Gazako palestinar guztiak hil ditzaten”. Salatu du nazioarteko agintariek orain arte ezikusiarena egin dutela Israelek Gazan eta Zisjordanian eragindako giza eskubideen urraketen aurrean.
Gatazka armatuak luze iraungo duela aurreikusten dute adituek. Gazako biztanle gehienak etxean gotortuta daude, eta gutxienez 20.000 pertsona lekualdatu dira bonbardaketetatik babesteko.
Proposamenak “hilketek eta goseteak” bere horretan jarraitzea bermatuko duela salatu du Hamasek, baina gehitu du zer erantzun aztertzen ari dela. Israelek proposamena onartu duela jakinarazi dute AEBek.
Mohamed Sinwar Gazako Hamaseko burua hilik agertu da, Israelgo armadak Gazan egindako bonbardaketa batean. Hamasek oraindik ez du baieztatu Sinwarren heriotza.
Israelek AEBetako enpresa bati eman dio laguntza humanitarioa banatzeko ardura, eta NBEk salatu du laguntza banaketako irudiak “oso larriak” direla. Israelek defendatu egin du banaketa sistema. Jakinarazi dute asteazkenean ez dutela laguntza humanitariorik... [+]
Ekialde Hurbila lehen aldiz zapaldu eta bi hamarkadatara, Gazaren historia eta bertako istorioak dakartza Mikel Ayestaranek (Beasain, Gipuzkoa, 1975) bere azken liburuan: Historias de Gaza. La vida entre guerras (Gazako kontakizunak. Gerra arteko bizitza) (Península,... [+]
Maiatzaren hasieran zerrendaren aurkako oldarraldia "gogortuko" zuela iragarri ondoren, esandako berresten ari da Israel: azken 224 orduetan 50 lagun hil ditu. Gainera, Gazan bizi diren 2,5 milioi palestinarrek pairatzen duten gosetea areagotzen ari da azken asteetan... [+]
Washingtonen Israelek duen enbaxadako bi langile tiroz hilda agertu eta gero egin ditu adierazpenak Netanyahuk. Israelgo Gobernuak zuzenean lotu ditu Washingtongo erasoak eta Europako zenbait gobernuburuk Gazako sarraskiaren aurka egindako adierazpenak.
NBEk azaldu duenez, egunotan soilik 90 kamioi sartu ahal izan dira lurraldera oinarrizko elikagaiekin; beste 105 zain daude mugan. Gazako gobernuaren prentsa bulegoak emandako datuen arabera martxotik 326 pertsona hil dira elikagai eta botika faltagatik eta 300 abortu izan dira... [+]
Europako Batasunak ere Israelekin dituen akordio komertzialak “berrikustea” erabaki du, 27 estatutik 17k aldeko botoa eman eta gero. Dagoeneko 53.000 hildakotik gora eragin ditu Netanyahuren gobernuak.
Astearte eguerdian egin du ohartarazpena Nazio Batuen Erakundeak. Astelehenean laguntza humanitarioa daramaten bost kamioi sartuko direla iragarri du Israelek, hamaika asteko blokeo erabatekoaren ostean. "Tanta bat da ozeanoan", adierazi du Tom Fletcher NBEko Giza... [+]
Maiatzaren hasieran iragarri ostean, Gaza erabat okupatzeko eta hango palestinarrak kanporatzeko plana martxan jarri du Israelgo armadak. Zerrendan jada hasiak dira ofentsibaren ondorioak pairatzen: azken 24 orduetan eginiko erasoetan, Israelek gutxienez 150 palestinar hil ditu... [+]
Lehiaketan parte hartu izan duten 72 artistak iazko edizioa "historiko politizatuena eta desatseginena" izan zela salatu dute, eta aurtengoa ere ez da salbuespena izan. Online botoari esker gertu izan du garaipena Yuval Raphael Israelgo ordezkariak. Polemikaz beteriko... [+]
Israelgo Estatu sortu berriak Palestinaren %80 inguru indarrez okupatu zuenetik 77 urte igaro direla, Gazaren aurkako erasoetan 74 lagun hil ditu Tel Avivek asteazkenetik ostegunera bitartean. Hildakoen artean Hassan Samour kazetaria dago, 2023ko urriaz geroztik Israelek hil... [+]
Prou Complicitat giza eskubideen aldeko taldeak Danimarkako Maersk enpresako bi merkataritza ontziren aurkako salaketa jarri du, Bartzelonako portutik Israelera F-35 ehiza hegazkinen atalak garraiatzea egotzita. Inputatuek astelehenean deklaratu behar... [+]
Centre Delas erakundearen txosten batek 2023ko urriaz geroztik Tel Avivek eta Madrilek adostu dituzten armamentu salerosketak atera ditu argitara. Ikerketaren arabera, Espainiako Estatuko eta Israelgo enpresek ez dituzte inoiz hainbeste proiektu garatu elkarrekin, eta Israelgo... [+]
Trumpek Gazarako behin baino gehiagotan proposatutako garbiketa etnikoarekin jarraituko du Tel Avivek. Netanyahuk sare sozialetan jakinarazi duenez, Israelek milaka erreserbista deitu ditu Gazaren aurkako setioa gogortzeko eta "erabateko garaipena" lortzeko.