Gazako bankuek ezingo dute Palestinako Autoritate Nazionalak (PAN) presoen familiei ematen dizkien diru-laguntzarik eskaini. Israelgo kartzeletan dauden preso palestinarren familiei eman ohi dizkie, eta diru-laguntzak “militarrek kontrolatutako justizia bidegabeko” baten ordainetan jasotako kalte-ordaina direla argudiatzen dute familiek.
Palestinako Askapenerako Erakundeak hildako palestinarren familiei ematen dizkien donazioak ere debekatu ditu Israelek, legea betetzen ez duten banketxeetako beharginak kartzelaratzeko mehatxua eginez.
Gazako zenbait hiritan protestak piztu ditu Israelen erabakiak, “desohorezko” bezala definitu dute gazarrek. Palestinako lehen ministro Muhammad Shtayyehk ere palestinarrek beren kontuak berraktibatu ahal izatea eskatu du: “Presoen eta martirien eskubideak bermatzen dituzten soluzioak bilatuko ditugu, eta kolonoen tiraniatik babestuko ditugu banketxeak”.
Martiriak eta beren askatasuna eman dutenak
Palestinako Autoritate Nazionalak, Gazako zati baten kontrola duenak, preso eta preso ohien 12.000 familiari ematen dizkie diru-laguntzak. 760.000 palestinarretik gora kartzelaratu ditu Israelek okupazioaren 53 urteetan, Palestinaren Askapenerako Erakundearen arabera.
Israelek hasieratik jarri ditu trabak ordainketa horiek egiteko, baina gaur egungo egoeran, eztanda egin du. Izan ere, koronabirusaren krisian elkarlana sustatzearen alde azaldu badira ere, Netanyahu berrizendatutako presidenteak Gazako zenbait lurralde okupatzea hitz eman du, eta horrek tentsioa sortu du. Horrez gain, Palestinako zenbait hiritan sarekadak antolatu ditu Israelek.
“Ez den herrian sortu ginen, eta geu ere, esan gabe, konprenitzen da ez garena garela”, Joseba Sarrionandia.
Askotan, nire buruari galdetzen diot zer gertatu ote zen Alemaniako jendarteak nazismoaren ondorioak ezagutu zituenean, hau da, horrelako komunitate... [+]
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agus Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]
33.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Palestina NBEko estatu kide gisa onartzeko ebazpena ostegun honetan bozkatu dute Segurtasun Kontseiluan. Gehiengoa –12 boto– alde agertu bada ere, bi abstentziorekin batera, AEBen ezetza nahikoa izan da proposamena bertan behera uzteko.
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.