Israel taldeak Kataluniako Voltaren inguruko txioan estelada jartzeak zalaparta eragin du
Gaur abiatuko da Kataluniako Volta txirrindularitza lasterketa. Ohi bezala, parte hartuko duten taldeak eta mundu zabaleko webgune espezializatuak euren analisiak-eta plazaratzen ari dira sare sozialetan. Bada, ordea, ez-ohiko bitxikeriarik: Israel taldeak eta Sporza hedabide belgikarrak estelada paratu dute beraien txioetan.
Igandean zabaldu du Israel taldeak txioa. Voltan parte hartuko duten ziklistak ageri dira argazkian, eta haien atzean, estelada handi bat. Berandu baino lehen ezabatu dute txioa, eta beste bat zabaldu, kataluniar banderarekin, jatorrizkoari haserre erantzun dioten ahotsek bultzatuta.
L'Israel Start-Up Nation presenta el seu equip de la Volta amb una estelada via @elnacionalcat https://t.co/Dy7i3hjYtN
— Francesc Cesc (@FrancescCesc1) March 22, 2021
Gaur, berriz, Sporza hedabide belgikar ezagunak beste txio hau zabaldu du. Lasterketan izango diren hiru izen handi, eta atzean berriro estelada.
De Ronde van Catalonië lokt erg veel wielersterren: van Hirschi over Froome tot Saganhttps://t.co/28cTJxORdA pic.twitter.com/ANbv8e95Za
— Sporza 🚴 (@sporza_koers) March 22, 2021
