Iruzurra atzeman den 13 espezialitateetan Osakidetzako oposizioak gelditzeko eskatu dute

  • Osakidetzak oposizioak geldiarazi ditu behin-behinean hiru espezialitatetan, baina EH Bildurentzat hori ez da nahikoa: "Ezinbestekoa da azterketak etetea susmopean dauden 13 arloetan". ELAk ere berretsi du eskaera. Halaber, lanpostuak "lagunen artean banatzen al diren" argitzeko eskatu dio EH Bilduk EAJri.

ARGIA @argia
2018ko ekainaren 06a

"Akusazioak oso larriak dira, iruzur zantzu serioak daude eta kaltetuak herritar asko izan daitezke. Susmoaren orbana ez dago Osakidetzak geldiarazi dituen hiru espezialitateetan, 13 dira susmopean daudenak, eta horregatik eskatzen diogu horietan guztietan oposizioak eteteko", adierazi du Rebeka Ubera EH Bilduko legebiltzarkideak.

Ohiko praktika?

"EAJk argitu behar du orain filtrazioak egon ote diren, oposizioetan iruzurra dagoen, faboritismoa dagoen eta azterketak eta lanpostuak lagunen artean banatzen diren, oso kezkagarriak direlako ateratzen ari diren mezuak, esanez hau ohiko praktika izan dela Osakidetzan, urteetan eta urteetan horrela egin direla gauzak". Horrelako eskandaluek lan publikoei "izugarrizko mina" egiten dietela eta "administrazio publikoen desprestigioa" dakartela gaineratu du legebiltzarkideak.

Kritikatu du Eusko Jaurlaritzaren eta Osakidetzaren lehenengo erreakzioa izan zela "dena ukatzea" eta "salaketa egin zutenen kontra jotzea; gaur, ordea, frogen ebidentzia ikusita, errua onartu behar izan dute". Osakidetzako eredua bera zalantzan dagoela azpimarratu du Uberak, "praktika irregularrak ahalbidetzen dituen eredua" baita.

ELA: "Osakidetzako zuzendaritzaren jarrera konplizea salatu nahi dugu"

Bestalde, ELA sindikatuak jakinarazi du berarentzat ere ez dela nahikoa Osakidetzak EPEa hiru kategoriatan etetea; "izan ere, Osakidetzako zuzendaritzak ondo asko baitaki beste kategoria askotan ere badaudela irregulartasun susmoak; ikerketa sakona hasi beharko litzateke eta sendagileen kategoria guztietako hautapen prozesua eten, gertatu dena argitu eta beharrezko neurriak hartu bitartean".

Sindikatuak "Osakidetzako zuzendaritzaren jarrera konplizea" salatu du: "Ez dauka gertatu dena argitzeko inolako borondaterik. Horren adierazgarri, atzo arte EPEari buruzko datu guztiak ikusgai zeuden Osakidetzaren webgunean. Haatik, orain Osakidetzak erabaki du ez direla publikoak izango eta soilik gako eta pasahitzarekin ikusi ahal izango direla. Erabili duten aitzakia, datuen babesa. Noski, emaitzak publikoak izateak egin du posible espezialitate medikuetako azterketetan gertatu dena salatzeko datuak eskuratzea, eta orain Osakidetzak hautapen prozesua opakua bihurtzen du, horrela gertakariak argitzea eragozten duelarik".

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Iruzurra Osakidetzan

Iruzurra Osakidetzan kanaletik interesatuko zaizu...
Oposizioak eta sindikatuek uste dute ez direla nahikoa ikertu Osakidetzako oposaketei jarritako salaketak

Hemeretzi kategoriatan jarri zituzten salaketak eta zortzi bakarrik ikertu dituzte.


Osakidetzak hiru espezialitatetako bost azterketa bakarrik errepikatuko ditu eta ez ditu epaimahaiak aldatuko

Angiologia eta Kirurgia Baskularreko bi, Anestesiako bi eta Kardiologiako azterketa bat dira errepikatuko dituztenak.


2018-07-19 | ARGIA
Osakidetzak fiskaltzara eramango ditu oposizioetako iruzurra salatu duten hirurak

Oposaketen inguruan egindako barne ikerketa fiskaltzari aurkeztuko dio Osakidetzak. Erabakiaren arrazoia ez da filtrazioak eman izana, filtrazioak salatu dituzten hiru norbanakoei “iruzur saiakera” leporatu dietela baino.


2018-07-19 | Nahia Ibarzabal
Lau espezialitetan espedientea irekiko da, Osasun sailburuak azaldu duenez

Digestio aparatua, medikuntza-intentsiboa, traumatologia eta urologia kategorietan espedientea irekiko da datozen egunetan, Jon Darpon Eusko Jaurlaritzako Osasun sailburuak jakitera eman duenez.


2018-07-19 | Nahia Ibarzabal
Traumatologian ere aurrez "asmatu" zituzten zeinentzako izango diren lanpostuak

Elkarrekin-Podemosek notarioaren aurrean aurkeztutako aktak erakusten duenez, azterketa egin orduko erabakita zegoen notarik altuenak nortzuk aterako zituzten eta ospitalean plaza lortu.


2018-07-13 | Nahia Ibarzabal
Sindikatuek "iruzurtzat" jo dute Osakidetzak hautaproben inguruan hartutako erabakia

ESK, ELA, LAB eta UGT sindikatuen ustez, hiru espezialitatetan baino gehiagotan egin behar da berriro hautaproba.


2018-07-12 | Nahia Ibarzabal
Osakidetzak hainbat proba errepikatuko ditu "akatsak" onartu ondoren

Kardiologian, anestesian eta angiologian egingo da berriro azterketa, ez ordea, kirurgia plastikoa eta konpontzaile espezialitatean.


2018-07-11 | ARGIA
"Osakidetzan lan egiten duzunean, zaila da ez jakitea EPEak erabateko iruzurra direla"

Osakidetzako oposizioetan iruzurra egiten dela hain gauza jakina bazen, zergatik ez du orain arte inork salatu? “Beldurragatik, eta jendeak gaur egun moral bikoitza duelako”. Hala erantzun dio galderari Manoel Martinez anestesistak, irregulartasunak salatu dituenetako batek, Hala Bedin egin dioten elkarrizketan.


Azkenak
EGILEA
Eguneraketa berriak daude