Osakidetzako oposizioetan parte hartu dutenek arloz arlo atera dituzten emaitzak aztertu eta datuez lagundutako ondorio kezkagarriak bildu ditu SME Euskadiko Medikuen Sindikatuak, iruzur froga gisa.
Banan-banan, arlo bakoitzeko azterketetara aurkeztu zirenek zein puntuazio lortu zuten jasotzen du dokumentuak. Grafikoek lagundurik, ikusi daiteke zein azterketek dituzten irregulartasun zantzurik handienak. Sarri, grafikoak bat-batean goia jotzen du notarik altuenetan, parte-hartzaile kopuru jakin batek azterketa perfektu egin duela adieraziz, eta kopuru hori ez dago eskainitako plaza kopurutik urruti.
Honakoak dira azterketaren emaitzak filtratu zirela esateko nahikoa zantzu duten arloak, sindikatuak eginiko txostenaren arabera:
- Anestesia
- Digestio-aparailua
- Kirurgia orokorra
- Kirurgia torazikoa
- Intentsiboak
- Kardiologia
- Kirurgia kardiobaskularra
- Aurpegi-masaileko kirurgia
- Kirurgia baskularra
- Pneumologia
- Neurokirurgia
- Onkologia erradioterapikoa
- Erradiologia
- Erreumatologia
- Traumatologia
- Urologia
Sindikatuak gehitu du oraindik beste zazpi arlo falta zaizkiola aztertzeko: Erizaintza, Biologia, Gaixotasun kutsakorrak, Kirurgia pediatrikoa, Otorrinolaringologia, Ginekologia eta obstetrizia, eta Ospitaleetako larrialdiak. Osasungintzari lotuta ez dauden arloak ere ikertzeko asmoa du SMEk.
Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.
Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.
Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".
3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]
LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.