Iruñeko udalak soka luzean arautu ditu etxebizitza turistikoak eta hotelak
Azken urteetan etxebizitza turistikoek izandako gorakada arautu nahi du, ostegun honetan Iruñeko Udalak onartutako araudiak. Gorakada honek batez ere Alde Zaharrari eragiten dio eta azken urteetan, auzoko hainbat elkartek hazkunde honi galga jartzeko arautegia eskatu diote udalari.
Orain onartutako araudiaren arabera, etxebizitza turistikoak bakarrik egon ahal izango dira eraikinen lehenengo solairuan, eta betiere, eraikinaren %25 baino gehiago okupatzen ez badute. Alde Zaharrari begira egina dago araudia eta kasu honetan, adibidez, oztopatzen du norbaitek erostea –gertatzen ari den bezala– eraikin osoa edo gehiena eta etxebizitza turistiko gisa erabiltzea.
Aitzitik, lehen solairuak turismorako izan daitezen arriskua du araudiak edo hori bultza dezake. Bi edo hiru solairuko eraikinetan zaila izango da berririk irekitzea aurretik bat baldin badago, baina Alde Zaharreko eraikin gehienek ez dituzte etxebizitza turistikoak beren lehen pisuetan eta araudi honekin egin ahal izango dira.
Nafarroako Gobernuaren datuen arabera, Iruñean 2017an 295 etxebizitza, ostatu, hotel eta gisakoak ziren erregistratuak eta horietatik 140 Alde Zaharrean, hau da, guztien %47. Jakina da, halaber, beste etxebizitza askok lantzen dutela turismoa, baina erregistratu gabe daudela.
Besteak beste, azken urteetan turismoak eragina izan du Alde Zaharreko etxebizitzen alokairuen igoeran eta jende ugarik egin behar izan du alde auzotik, batez ere etorkinek edo gazteek. Oraintsu Idealista.com higiezinen-atariak Espainiako Estatuko alokairuen prezioez ateratako txostenaren arabera, azken 12 urteetan Donostian eta Iruñean hazi dira gehien alokairuen salneurriak.
Unzu ostatuak ateak zabalik ditu orain
Ostatuei eta hotelei dagokienez, araudi onartu berriak dio edozein eraikinetan egin daitezkeela halakoak, baldin eta etxadiaren %25a baino gehiago hartzen ez badu. Atal hau EH Bilduren abstentzioarekin onartu zen. Honen arabera, potentzialki Alde zaharreko eraikin ugaritan eraiki ahal izango dira hotelak eta ostatuak.
Araudiak ateak zabaldu dizkio lehen Unzu saltokia zen eraikinean ostatua egiteari. Ostatu horrek 200 eta 300 plaza artean izango lituzke eta proiektuak auzoko bizilagunen aurkako jarrera handia sortu du. Joseba Asironek iragan legealdian gidatutako udalean, arautegiaren atal honetan distantzien arabera arautzen zen ostatu berrien irekiera eta horren arabera Unzuko proiektuak ez zuen araua betetzen. Oraingoarekin bai.
Araudiaz eztabaidatzen zen bitartean, auzokideek bilkura egin zuten Iruñeko Udaletxe plazan eta bertan salatu zuten onartutako araudia ez dela nahikoa izango turistifikazioaren eraginei aurre egiteko. Hemen Ahotsa.info-k landutako bideoa.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
639 'minipisu' ari dira eraikitzen Barakaldon, BEC erakustazokaren aldamenean. Udal ordenantzak aginduta, hotel erabilera eman behar zaio espazio horri, baina "alokairu malgua" dela dio Be Casa-k. Egun batzuetako alokairuetatik hasi eta "hilabete batzuetarako... [+]
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
BiziLagunEkin plataformak desazkunde turistikoaren aldeko Euskal Herriko topaketak iragarri ditu, Donostian, elkar ezagutzea, esperientziak partekatzea eta gogoeta kolektiboa egitea helburu. Egitarauaren xehetasunak datozen asteetan jakinaraziko dituzte.
Azken urteotan Donostian gero eta ozenago entzuten ari gara bizilagunen ahotsa: turistifikazioa gure hiria itotzen ari da. Joan den ekainaren 15ean, ehunka donostiar atera ginen berriro kalera gure bizi-baldintzak eta bizimoduak defendatzera. Jendartearen eta auzoen beharrak... [+]
Udako opor hauetan ez dira gutxi izango Andaluziako eguzki eta ur epel bila doazen euskal herritarrak. Kontrako bidea egin zuen Ana Geranios (San Pedro Alcántara, Andaluzia, Espainia, 1988) kazetari eta idazleak martxo amaieran, Euskal Herrira etorri baitzen Costa del... [+]
Reggaetonarekin eta antzekoekin, musika estilo bat ez ezik, Puerto Ricok beste ideia bat zabaldu du mundu osora: turistifikazioaren eta iragan kolonialaren artean dagoen lotura estua. Milioika jarraitzaile dituen Bad Bunny artista da mezu horren bozgorailu. Azken diskoan Jorell... [+]
Donostiako desazkunde turistikoaren aldeko BiziLagunEkin plataformak deituta, Europa hegoaldeko turistifikazioaren aurkako SET sarearekin koordinatu dute ekimena.
Mingainari kosk txikia eginda joan ginen oporretan Kanarietako Lanzarote irlara. Maiatzaren erdian, turista asko-askorik topatuko ez genuela jakinda, prezio guztiak ere merkeago, eta hara eta hona mugitzeko lasaitasun gehiago. Espero bezalaxe izan zen. “Esperientzia”... [+]
BiziLagunEkin desazkunde turistikoaren aldeko Donostiako plataformak ekainaren 15erako deitu du manifestazioa, Europa Hegoaldeko beste hainbat hiritako eragileek bezala. Turistifikazioa salatu eta hiri eredu alternatiboa aldarrikatuko dute.
Europa hegoaldean turistifikazioaren aurrean dauden hirien SET sareak topaketa egin du Bartzelonan, apirilaren 25etik 27ra. Turistifikazioak lurralde eta bizitzetan duen eraginaren tamainaz ohartarazi dute: “Ez da turismo handia jasotzen duten guneen arazoa soilik; sistema... [+]
