Prozesio baten parodian Aita Santuaren irudia erretzeagatik zazpi lagun salatu dituzte
Joan den apirilaren 17an gertatu zen, Ostiral Santuan, Iruñean. Hainbat lagunek prozesio katoliko baten parodia egin zuten eta "erlijio sentimenduaren kontrako delitua" egin izana egotzi diete.
Salatutako lagunak 22 eta 26 urte arteko gazteak dira. Iruñeko Udaltzaingoak jarri du salaketa eta guardiako epaitegira igorri dute.
Gertaerak Ostiral Santuko gauerdian izan ziren: ehun pertsona inguruk hartu zuten parte prozesioaren parodian. Aita Santuaren argazkia zeraman figura bati su eman zioten eta udaltzaingoa bertaratu zen hura itzaltzera. Hamar lagun identifikatu zituzten eta horietako zazpiri erlijio-sentimenduaren aurkako delitua egin izana leporatu diete.
Ahotsa.infok parodiaren laburpena jaso du bideo baten bidez
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
