ARGIA.eus

2020ko irailaren 22a

Iruñean elkarretaratzea egingo dute Martín Villaren galdeketaren egun berean

  • Protesta babestu dute 78ko Sanferminak Gogoan eta Martxoak 3 elkarteek. CeAQUAk dio kargudun ohiek Martín Villaren babesean idatzitako agiria “epaiketaren aurkako presio politikoa” eragiteko mekanismoa dela.

2020ko irailaren 03a
Rodolfo Martín Villa Juan Carlos I.arekin

Rodolfo Martín Villak María Servini epaile argentinarraren aurrean gizateriaren aurkako krimenengatik telematikoki deklaratu bitartean, Euskal Herrian mobilizazioa antolatu dute memoria historikoaren aldeko erakundeek.

78ko Sanferminak Gogoan eta Martxoak 3 elkarteak buru, Iruñeko epaitegien aurrean kontzentrazioa deitu dute ostegun honetan, 12:00etan. “Inpunitateari stop” aldarrikatuko dute ikertu gabeko krimen frankisten aurrean. Euskal Herritik kanpo ere elkarretaratzeak egingo dira, hala nola, Madril eta Asturiasen.

Presio politikoa

CeAQUA kereila argentinarraren babeserako Espainiako Estatuko koordinakundeak adierazi du Espainiako gobernukide eta buruzagi sindikal ohiek Martín Villari babesa adierazteko argitaratutako agiria epaiketa baldintzatzeko saiakera bat dela. “Onartezintzat” jo dute Servini epailearen aurkako “presio politikoa” eragiteko saiakera. “Oso injerentzia larria” dela diote, eta Espainiako hainbat indarrek azken urteotan prozesua oztopatzeko izandako jarreraren testuinguru orokorrean kokatzen dute. Dena dela, zehaztu dutenez, adierazpenok ez dituzte ikerketak aztertzen dituen gertakariak desagerrarazten.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Oroimen historikoa kanaletik interesatuko zaizu...

Azkenak
Argia buletina
Egunaren laburpena
zure e-postan
Eguneraketa berriak daude