Bi presoen alaba Iratik martxoaren 8an bete zituen 3 urte eta ondorioz espetxetik atera eta Bilbon bizi da senideekin. Espainiako Espetxe Erakundeen berria martxoaren 12an jakin zuten eta Irati Gurasoekin Euskal Herrira plataformak adierazi du pozez eta itxaropenez hartu dutela albistea: “Errepidea eta kilometroak laburragoak izango dira Irati eta senideentzat”. Plataformak esan du umeen eskubideak bermatuak izateko haien gurasoak etxetik hurbil izatea dela lehenengo pausoa, gizalegezkoa eta bete beharrekoa. Dena dela, plataformak Iratiren gurasoak Euskal Herrira ekartzea eskatu du.

Etxeberriaz eta Zapirainez gain, beste hiru preso hurbilduko dituzte eta bat Euskal Herriratu. Jurdan Martitegi Soto del Realetik Martutenera ekarriko dute. Bestalde, Asier Badiola, Jon Troitiño eta Harriet Iragi Euskal Herritik gertuago izango dira.

#IratiGurasoekinEHra dinamikatik gaurko berria pozez eta itxaropenez jaso dugu. Errepidea eta kilometroak laburragoak izango dira Irati eta senideentzat! 🎈#UmeenEskubideak bermatuak izateko haien gurasoak etxetik hurbil izatea da lehenengo pausua, gizalegezkoa eta bete beharra. pic.twitter.com/CppAKstAi3

— MARTXOAK 20 / 12:00etan (@IratiGurasoekin) March 12, 2021