Irakeko lehen ministroak kurduekin independentzia erreferenduma negoziatzea onartu du

  • Irakeko lehen ministro Haider al-Abadi-k alderdi kurduak erreferendumari buruz hitz egitera gonbidatu ditu. “Erreferenduma gauzatzea zaila izango den arren”,  esan du kurduen erabakitzeko eskubidea errespetatuko duela.  

Xalba Ramirez @xalbaram
2017ko ekainaren 15a

Pasa den astean Hego Kurdistango Alderdi kurduen artean irailaren 25ean independentzia erreferenduma egitea adostu zuten. Iraken erantzuna lehen ministroak berak eman du astero egin ohi duen agerraldian.

“Bide orria” adosteko bilera proposatu du Abadi-k. Bere esanetan, erreferenduma ez da egokiena Ekialde Hurbilean eta Iraken dituzten arazoak areagotu ditzakeelako. Baina onartu du kurduekin konpontzeko hainbat gai potolo dituztela: petrolio sarrerak, mugen kontrola edo bi gobernuek aldarrikatzen dituzten Kirkuk edo Shengal eskualdeak.

Jarrera baikorra erakutsi du hala ere: “Anaia kurduen erabakia, eta bere aberri propioa izateko ametsa errespetatzen” dituela adierazi du.

Barzaniren gobernuak ez du oraindik erantzunik eman.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kurdistan  |  Irak  |  Erabakitzeko eskubidea

Kurdistan kanaletik interesatuko zaizu...
Azkenak
EGILEA
Eguneraketa berriak daude