Interneten uneoro gertatzen ari denaren laburpen grafikoa
Sare erraldoian etengabea da internauton arteko elkarrekintza. Etengabea eta erraldoia sarera igotzen den eduki kopurua; etengabea sare sozialetan partekatzen duguna eta beste erabiltzaile batzuekin dugun elkarrekintza. Segunduoro interneteko webgune nagusietan gertatzen dena laburbiltzen digu, oso modu grafikoan, The Internet in Real Time webguneak.
Orduro, 250.000.000 like Facebooken, 26.000.000 txio Twitterren, 450.000.000 bideo ikuskatuta Youtuben...
Oso webgune xinplea da The Internet in Real Time. Oso modu grafikoan, Interneteko webgunerik garrantzitsuenetan zer jazotzen den laburbiltzen digu. Hortxe daude, noski, Facebook, Twitter edo Instagram moduko sare sozialak, eta Youtube edo Google bezalako erraldoiak, baina baita ere Booking, TripAdvisor, Uber, Tinder, Skype, PayPal, eBay, Amazon, Bitcoin, HBO...
Azken batean, Interneteko trafiko osoaren argazki zabala eskaintzen digu aplikazioak. Estatistikak segunduka, minutuka, orduka,... egin ditzakegu. Edo hilabete/urte mailan ere bai. Eta horrela jakin dezakegu, adibidez, egun arrunt batean 430.000 bideo-ordu igotzen direla Youtubera, 1.000.000 etxe alokatzen direla Aribnb-en, 4.000 milioi bilaketa egiten direla Googlen, 3 milioi euroko diru-sarrera daukala Uberrek, 25 milioi bikote osatzen direla Tinderren, 5,5 milioi produkto saltzen direla Amazonen,...
Estatistika eta zenbaki-zaleentzat paradisua.
Albiste hau Sustatuk argitaratu du eta CC-by-sa lizentziari esker ekarri dugu ARGIAra.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Puntueus domeinuak hamarkada bete du apirilaren 15ean, eta EITBren Bilboko egoitzan ospatu du Puntueus fundazioak. Gaur arte lortutakoa goraipatu dute, eta 2024 urterako kanpaina berria iragarri.
Askotan pentsatzen dut informazio larregi jasotzen dugula, eta, zeinen ondo bizi den ezjakintasunean. Hainbeste informaziorekin, pertsona xumeok botere ezberdinen helburuak eta horiei loturiko jokabideak ulertzeko ditugun aukerak inoiz ez bezalakoak direla dirudi. Baina ez da... [+]
2023ko Wiki Loves Monuments argazki lehiaketako hamabost irabazleak iragarri dituzte. Wikipediaren atzean dagoen Wikimedia Fundazioak urtero antolatzen du eta munduko argazki lehiaketa handiena da. Iaz 46 herrialdetako 4.700 argazkilarik parte hartu zuten, lizentzia libreak... [+]
Historikoki egin diren entziklopedia gehienetan gizonezkoek leku handiagoa izan dute emakumezkoek baino. Wikipedian ehunekoa handiagoa bada ere, desoreka nabaria da. Gauza bera gertatzen da euskarazko Wikipedian ere. Hala ere, egoera horri buelta eman nahian ari dira wikilariak.