Interneteko edukiei galbahea jartzeari buruzko erabakia irailera atzeratu du Europak

  • Sare sozialetan izandako kritiken ostean, Europar Parlamentuak atzera bota du egile eskubideen inguruko zuzentaraua erreformatzeko egindako proposamena eta irailera atzeratu ditu testuaren inguruko negoziazioak.


2018ko uztailaren 05an - 16:45
Euroganberako osoko plenarioetako bat aurten (ar.: Europar Parlamentua)

Euroganberan ostegunean izandako bozketan, 318 parlamentari proposamenaren kontra azaldu dira, 31 abstenitu egin dira eta 278k alde bozkatu dute. Hala, irailean jarraituko dute orain arte zenbait sektore sozialen ingurumariatik kritika oso gogorrak izan dituen testuaren inguruko barne eztabaidek.

Proposamenaren bi neurrik harrotu dute batez ere hautsa: sarera igotzen den orok copyrighta errespetatzen duela ziurtatzeko galbahea eta egileentzako konpentsazio kanona. Irailean, parlamentuan berriz eztabaidatuko da proposamena eta testuaren artikuluetan aldaketak onartuko dira, ikusteke dago baina, neurri horiei eragingo ote dien.

Interneteko kultura libreari loturiko atari ezagunak –Wikipedia esaterako– bai eta Google bezalako enpresa pribatu erraldoiak erreformarekin desados agertu dira, baita sare sozialetako ekintzaile ugari ere, besteak beste adierazpen askatasuna mugatuko lukeelako.


Kanal honetatik interesatuko zaizu: Internet
Amazonek Nafarroan "eskala handiko" bi zentral fotovoltaiko eraiki nahi dituela dio

Multinazionalak jakinarazi duenez 72 MWko potentzia izango luketen bi "eguzki parke" edo makro-zentral fotovoltaiko eraiki nahi ditu foru lurraldean, baina ez du kokapenaren berri eman. Industria teknologikoan gehien kutsatzen duen enpresetako bat da Jeff Bezos... [+]


2024-05-14 | ARGIA
LABek salatu du Amazonek "errepresio sindikala" egiten duela

Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak


2024-04-18 | Gedar
Lanuzteei ekin diete berriz Trapagarango Amazonen

Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.


2024-04-16 | ARGIA
Ia 15.000 erabiltzaile ditu Puntueus domeinuak, sortu zenetik hamar urtera

Puntueus domeinuak hamarkada bete du apirilaren 15ean, eta EITBren Bilboko egoitzan ospatu du Puntueus fundazioak. Gaur arte lortutakoa goraipatu dute, eta 2024 urterako kanpaina berria iragarri.


Eguneraketa berriak daude