Emakumeak borrokan

Interneteko askatasuna, arriskuan

  • Europar Batasunak egile eskubideei buruzko proposamena bozkatuko du ostegun honetan. Onartzen bada, gaur egun ezagutzen dugun internet irekiari kalte handia egingo diola salatu du Wikipediak. Hain juxtu, Wikipedia bera arriskuan legoke.

ARGIA @argia
2018ko uztailaren 04a

“Europan egile eskubideei buruzko legeak gaurkotu eta informazioaren gizartean herritar guztien parte-hartzea sustatu beharrean, proposamen honek interneteko askatasuna arriskuan jartzen du eta filtro, traba eta murrizketak ezartzen ditu webera sartzeko. Sare sozialetan albiste bat partekatzea edo bilatzaile baten bidez albiste horretara iristea asko zailduko luke. Wikipedia bera arriskuan legoke”, dio Wikipedia entziklopedia askearen oharrak.

Hainbat eragilek gogor kritikatu izan dute proposamen hau. Orain, Wikipedia da komunikatua atera duena eta gaztelaniazko bertsioak adibidez, itxita du bere weba bozketa pasa arte. Horren partez, oharra bakarrik irakurri ahal izango du espainolezko Wikipediara sartzen den orok.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Internet  |  Wikipedia

Internet kanaletik interesatuko zaizu...
Azkenak
EGILEA
Eguneraketa berriak daude