18 grebalariak absolbitu dituzte delitu probarik ez dagoelako
2011ko urtarrilaren 27ko greba orokorrean pikete informatiboan aritzeagatik 18 pertsona epaitu zituzten Busturialdean. Akusatuetako batek adierazi zuen ogia banatzen ari zen batek jarri zuela salaketa haren autoak kalteak jasan zituelako, eta handik pasa ziren lehenengoak identifikatu zituela Ertzaintzak.
Pasa den astean egindako epaiketaren helburua beldurra zabaltzea eta “langileak diziplinatzea” besterik ez dela esan du Ainhoa Etxaide LABeko idazkariak. Hemezortzi kideek leporatzen zitzaiena ukatu zuten eta epaileak frogarik ez duelako absolbitu ditu. Salaketa ipini zuenak ez zuen akusatuetako bat ere ezagutu deklaratzen ari zenean, Busturialdeko Hitzak adierazi duenez.
Pasa den urtarrilaren 10ean epaitu zituzten 18 grebalariak. Fiskaltzak bakoitzari hiru urte eta bederatzi hilabeteko kartzela zigorraz gain, 6.000 euroko isuna eskatzen zien lan eskubidea “urratzeagatik”. Epaiketa aurreko mobilizazioan Etxaidek adierazi zuen 18 kide horiek lan eskubideak defendatu eta aldarrikatu zituztela eta ez urratu: “Ez da inoiz delitua izango behin eta berriro erasotzen ari diren langile eskubideak aldarrikatzea langile borroka eginez”.
LAB sindikatuaren mezua
Epaiketa bertan behera uztea “ezinezkoa” zelakoan, absoluzioa zen LAB sindikatuak eskatzen zuena. Bestalde langileei dei egin die haien eskubideen alde mobilizatzen jarrai dezaten: “Lan eskubidearen urraketa salatu nahi badute eser ditzatela behingoz enplegua suntsitzen duten politikak eta horiek onartzen dituzten politikariak. Jaraitu alternatiba badagoela aldarrikatzen, etorkizun duina izateko kalera ateratzen, bestelako gizarte bat eraikitzeko urratsak ematen”.
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Greba eguna da gaurkoa Ipar Euskal Herrian zein Frantziako Estatuan. "Dena blokeatzeko" mobilizazioaren kari, 50 bat lagunek ekintza bideratu dute Miarritzen, Hotel du Palais luxuzko hotelaren atarian. Bi lagun atxilotu ditu Poliziak.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.