Iñigo Gogoan plataformak 22.000 sinadura aurkeztu ditu astelehenean EAEko Legebiltzarrean. Horien bidez eskatu dute Jorge Aldekoa, Iñigo Cabacas hil zen egunean Bilboko komisaldegiko buruzagia eta gaur egun Ertzaintzako burua, kargutik kentzeko. Larunbatean manifestazioa antolatu dute Bilbon gertakarien bigarren urteurrena hurbiltzen ari dela-eta.
Vania Lozano eta David Antonio Gonzalez plataformako kideek adierazi dute ez dela aldaketa nahikorik egon Cabacasena bezalako kasu gehiago gerta ez daitezen eta horregatik, polizia ereduaz eztabaida ireki nahi du plataformak.
Plataformako kideen iritziz Cabacasen heriotzaren inguruan “isiltasun ituna” dago eta instrukzio judizialean “aurrerapen gutxi” egin direla nabarmendu dute.
UPyD eta PP alderdiek 2012an gertatutakoa “hilketa” izan zela ukatu dute eta Iñigo Iturrate EAJko bozeramaileak azpimarratu du Ertzaintzako buruak “hilketa bakar batean ere inplikaziorik ez duela”.
EH Bilduk Cabacasen heriotzaren inguruko ikerketa batzordea sortzeko aurkeztutako eskaerari uko egin diote gainerako alderdiek. Ardura politikoak bilatzen hasteko ibilbide judiziala bukatzea beharrezkoa dela adierazi dute.
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]