Iñigo Cabacasen gurasoek Erkorekari galdegin diote ea ez duten aitortzarik merezi

  • Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina areagotu izana egindako adierazpenen eta hartutako erabakien bidez.

Fina Lizeranzuk eta Manu Cabacasek Erkorekari aurrez aurreko bilera eskatu diote. / Argazkia: Publico.es

2022ko urtarrilaren 19an - 10:15
Azken eguneraketa: 11:18

Apirilean hamar urte beteko dira Iñigo Cabacas hil zutela Ertzaintzaren pilotakada batekin, Bilboko Indautxu auzoan. Bada, haren guraso Fina Lizeranzuk eta Manu Cabacasek gutun batean salatu dute euren “mina sakondu” besterik ez dutela egin urte hauetan guztietan.

Berria egunkariak osorik argitaratu du gutuna, eta honela zuzendu zaizkio gurasoak Josu Erkoreka Eusko Jaurlaritzako Segurtasun sailburuari, gogoeta indibidual eta instituzionala bultzatuz: “Zer egin duzue zuek? Zuetako inork eskatu al du barkamenik edo esan al du sentitzen duela gertatutakoa? Aitortu al duzue egindako mina? Esan al duzue gertatu zena ez zegoela ondo edo ez zuela inoiz gertatu behar? Eskatzen dizuegu zintzoki gogoeta egin dezazuela eta esan diezaguzuela ea guk eta gure semeak, Iñigok, ez ote dugun merezi aitortza horietako bakar bat ere”.

Legebiltzarreko agerraldian eragindako oinazea

Cabacasen gurasoek Erkorekari jakinarazi diote “kalte eta oinaze izugarria” eragin ziela abenduaren 15ean Eusko Legebiltzarrean egindako adierazpenek. Egun hartan Segurtasun sailburuak komunikatu zuen Ertzaintzak artxibatu egin zuela Cabacasen auziari buruzko barne ikerketa, eta gurasoek Legebiltzarrean bertan jakin zuten berria, “harriduraz eta atsekabez”. “Ikaragarritzat” jo dute, hasteko, justiziarik eman ez izana, eta, gainera, semearen hilketagatik inork erantzukizunik jaso ez izana. Sailburuari eskatu diote familiari helarazteko auziari lotutako dokumentu guztiak, eta aurrez aurreko bilera batean esateko horri buruz "egoki deritzona".

Erkorekari aurpegiratu diote Legebiltzarreko saio hartan enpatia eta hurbiltasuna azaldu ez izana, jakinik Cabacasen familia bertan zegoela. Gogor kritikatu dute elkartasun mezuak soilik ertzainei zuzendu zizkiela sailburuak, inongo momentuan ez Cabacasen senideei.


Kanal honetatik interesatuko zaizu: Inigo Cabacas auzia
2022-04-11 | ARGIA
10. urteurren ekitaldian
Iñigo Cabacasen gurasoak: “Ez dugu epaitegian irabazi, baina bai kalean”

Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]


2022-04-06 | ARGIA
Hamar urte bete dira Ertzaintzak Iñigo Cabacas zauritu zuenetik, eta larunbatean omenaldia egingo diote

Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]


2021-12-16 | Jon Torner Zabala
Cabacas auzia: Barne ikerketa artxibatu du Ertzaintzak

Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]


2021-04-20 | ARGIA
Cabacas auzian kondenatutako ertzainari kartzela zigorra bertan behera utzi dio auzitegiak

Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]


2021-01-18 | ARGIA
Epaitegi Gorenak ez ditu onartu Iñigo Cabacasen senideen eta zigortutako ertzainaren errekurtsoak

Bizkaiko Probintzia Auzitegiaren epaia berresten du bere erabakiarekin Espainiako Epaitegi Gorenak. Ertzain bakarra izan zen zigortua Iñigo Cabacasen heriotzagatik.


Eguneraketa berriak daude