Indarkeria matxistaren aurkako babesa: Hego Euskal Herrian, salatutako kasuen %31tan ez ziren neurriak hartu
Espainiako Estatu mailan, behera egin dute bai ezarritako babes-neurriek bai aurkeztutako eskaerek.
Botere Judizialaren Kontseilu Nagusiaren Etxeko eta Genero-Indarkeriaren aurkako Behatokiaren arabera, Espainiako Estatuan, "genero-indarkeriaren" kontra ezarritako babes-neurriak %6,5 jaitsi ziren 2024an. Epaileek zuzenean aginduta edo defentsak nahiz fiskaltzak eskatuta har daitezke biktimak babesteko neurriak, baina, salatutako indarkeria matxista kasuekin proportzioan, behera egin dute bai egindako eskaerek bai onartutako eskaerek.
2024an, "genero-indarkeriari" lotutako 199.094 salaketa jarri zituzten Espainiako Estatuan, baina 33.247 kasutan baino ez zituzten biktimak babesteko neurriak agindu. Alegia, salaketen %16,69k baino ez zuten eragin emakume horientzako babes-neurriak hartzea. 2023tik murriztu egin da proportzio hori, %17,84 izan baitziren urte horretan.
2024an, hain justu, 2023an baino 2.314 kasu gutxiagotan ezarri zituzten babes-neurriak. 49.268 eskaera aurkeztu zituzten epaitegietan (salatutako kasuen laurden batean eskatu zituzten babes-neurriak, gutxi gorabehera), baina horien artean %67,48 besterik ez ziren indarrean sartu. 2023an, eskaeren %69,9 hartu zituzten aintzat.
Bestalde, behatokiaren arabera, biktimak babesteko neurrien eskaera kopuruak ere behera egin du, zehaztu ez dituen arrazoiak direla-eta. 2023ko datuekin alderatuta, %3 eskaera gutxiago egin zituzten 2024an; eta, esan bezala, %6,5 eskaera gutxiago onartu zituzten.
Autonomia-erkidegoka ere zehaztu ditu datuak behatokiak. Onartutako eskaeren ehunekoak erkidego guztietan murriztu dira, Katalunian izan ezik (%47,8 2023an eta %49,6 2024an). Hala ere, portzentajea ez da erdira ere iristen bertan, Madrilen bezalaxe (%46,6 iaz). Hego Euskal Herrian, batez beste, eskaeren %31k baino ez zuten aurrera egin 2024an: %22k Nafarroan eta %41ek Araban, Bizkaian eta Gipuzkoan.
Hemezortzi hilabeteko kartzela zigorra ezarri dio epaitegiak, baina ez du zigorra bete beharko. Azken hamarkadan, dozenatik gora emakumek salatu dute aktore frantziarraren sexu erasoen biktima izan direla. 2021ean Les volets verts filmaren grabaketan eraso ziela salatu zuten bi... [+]
Donibane Garazi inguruko herri ttipi batean sortua da Bea, eta 1970eko hamarkadan ondoko eskola publiko batean ikusi zituen bortizkeria, sexu eraso eta bortxaketak salatu dizkigu. Irakasleak eragiten zizkiela tratu horiek ama eskolako eta lehen mailako haurrei, mutikoak bortizki... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.
Alain Esquerrek idatziriko Le silence de Bétharram (Betharramgo isiltasuna) liburuan eman du lekukotza Helene Perlantek, François Bayrouren alabak. 1980ko hamarkadan egon zen ikastetxe katolikoan ikasle eta berrogei urte luzeetan isilik atxiki ditu bertan jasandako... [+]
Azken bi hamarkadetan indarkeria matxistaren gaia lehen lerrora ekarri du mugimendu feministaren borrokak, besteak beste, eta bikote arteko indarkeria edo “familia arazo” gisa deskribatzen zenak, eremu publikora eta kalera egin du salto. Indarkeria matxistaren... [+]
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Hamaika eraso Uztaritzeko (Lapurdi) San Frantses Xabierko ikastetxe katolikoan gertatu ziren, beste biak Domintxaineko (Zuberoa) ikastetxe katolikoan eta Angeluko (Lapurdi) San Josepe ikastetxe publikoan. Uztaritzeko ikastetxean ikasitako bost gizonek beren testigantzak eman... [+]
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
Antifaxismoari buruz idatzi nahiko nuke, hori baita aurten mugimendu feministaren gaia. Alabaina, eskratxea egin diote Martxoaren 8ko bezperan euskal kazetari antifaxista eta profeminista bati.
Gizonak bere lehenengo liburua aurkeztu du Madrilen bi kazetari ospetsuk... [+]
11 adin txikikori sexu erasoak egiteagatik 85 urteko kartzela zigorra galdegin du Gipuzkoako fiskaltzak. Astelehenean hasi da epaiketa eta gutxienez martxoaren 21era arte luzatuko da.
Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak... [+]
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.
15 urteko emakume bati egin dio eraso Izarra klubean jarduten zuen pilota entrenatzaile batek.
Lestelle-Betharramgo (Biarno) ikastetxe katolikoko indarkeria eta bortxaketa kasuen salaketek beste ikastetxe katoliko batzuen gainean jarri du fokua. Ipar Euskal Herriari dagokionez, Uztaritzeko San Frantses Xabier kolegioan pairaturiko indarkeria kasuak azaleratu dira... [+]