Kaleak hartzeko deia gaur indarkeria matxistaren aurka
Indarkeria sexistaren kontrako nazioarteko eguna izaki, Hego Euskal Herriko hainbat herritan burutuko dituzte mobilizazioak egun guztian zehar. Ipar Euskal Herrian haatik, azaroaren 23an egin dituzte mobilizazioak, Frantziako #noustoutes kolektiboaren deiari segi. 300 bat lagun elkartu dira Baionan buruturiko manifestazioan.
aurre egingo dieten hedabide independenteak
Indarkeria sexistaren kontrako nazioarteko eguna izaki, milaka lagunek hartuko dituzte kaleak gaur. Euskal Herriko mugimendu feministaren deiari segi, hitzordu nagusiak gaur izango dira hiriburuetan, 19:00etan Bilboko Jesusen Bihotza plazatik abiaturik, Donostian Alderdi Ederretik, Gasteizen Andra Mari Zuritik eta Iruñean 20:00etan Gaztelu Plazatik. Horrez gain, tokian toki, herriko plaza anitz beteko ditu indarkeria matxistaren kontrako mezuak.
Besteak beste, “ez zaituztegu behar aske izateko” lemapean aterako da Euskal Herriko Bilgune Feminista kalera, indarkeria intentsifikatzen ari den segurtasun eredua salatu eta ondokoa exijitzeko: emakumeen askatasuna eta bizitza duina bermatzeko baliabideak, prebentzioa, justizia eredu feminista eta gizon eta komunitate osoari ardura hartzeko urratsak . Euskal Herriko Neska* Gazteen sareak autodefentsa feministaren aldeko mezua jarriko du erdigunean, "Zuen biolentziari, guk autodefentsa feminista" leloa aukeraturik. Goiz huntatik dabiltza ekintzak burutzen. Besteak beste, Gasteizko eta Leioako unibertsitateen sarrerak blokeatu dituzte, hezkuntza sistema patriarkala salatzeko asmoz.
Feminizidioaren biktimak gogoan, Baionan
Ipar Euskal Herrian haatik, azaroaren 23an burutu dituzte mobilizazioak, Frantziako #noustoutes kolektiboaren deiari segi. Larunbat goizetik gauera izan dira indarkeria sexista salatzeko ekimenak.Tartean, feminizidioen salatzeko, 300 bat lagun elkartu dira Baionan buruturiko manifestazioan. Urte hastapenetik 117 emakume hil ditu indarkeria matxistak Frantziako Estatuan: Ipar Euskal Herriari dagokionez, hiru emakume dira aurten bikotekideak edo bikotekide ohiak eraildakoak; azkena, duela pare bat aste, Baionan.
Emakume hauen oroimenez, Baiona Ttikiko San Andres plazari izena aldatu diote feministek, “feminizidioen biktimen plaza” izendatuz. "2005. urtetik, 25 emazte erail ditu bortizkeria matxistak Ipar Euskal Herrian. Emazteak izateagatik erailak izan dira", Zutik kolektiboak oroitarazi duenez. Baionako suprefeturako hesietan ere zintzilikatu dituzte biktimen izenak, emakume hauek omentzeaz gain, indarkeria sexisten aurkako lana eraman ahal izateko ezinbestekoak diren baliabideak exijitzeko. Bizkaian ere mobilizatu dira larunbatean, 25 emakume taldek deituta manifestazioa burutuz, Santurtzitik Sestaora.
Danimarkaren menpe segitzen duen Groenlandiako biztanleriaren %88 da inuita, eta beraien hizkuntzan eta kulturan aitzina egite hutsa dute eguneroko desafio. Zuriek kolonizatu zituzten eta gaur egun egoerak bere horretan segitzen du: zurien begietatik bideratuta dagoen... [+]
Urriaren 31tik azaroaren 2ra Baterajotzea izango da Zaldibarren, Euskal Herriko Gazte Feministek antolatuta. Egitaraua aurkeztu dute, eta izen ematea ireki.
Jatorra, alaia eta positiboa da Sara Mirones (Bilbo, 1997). Pandemian mastozitosia izeneko gaixotasun arraro bat diagnostikatu zioten. Ordutik, Maratón de Lunares kanpaina abiatu du gaixotasuna ikusarazteko, gizartea kontzientziatzeko eta ikerketarako dirua biltzeko... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori,... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]
Vicentek 76 urte ditu eta azken mende laurdena Kanaria uharteetan darama, Maspalomas herrian, 50 urteko bizialdian ezkutatu duen izatea haizatzen: homosexuala da. Ezbehar baten eraginez, Donostiara itzularaziko dute, eta zahar etxe batean sartuko. Atzera ere, armairuko ateak... [+]
Jaizkibel konpainia berdinzaleak Herriko Etxearen eta epaileen deliberoak bete ditu, ez haatik HAOSEk, alarde baztertzailearen antolatzaileek. «Estrategia aldaketa bat» eskatu dio Jaizkibelek auzapezari; ezkerreko ordezkariek «Alardea antolatzeko».
Jaizkibel konpainia berdinzaleak ekintza berezia egin du Hondarribiko alardearen egun honetan. Gutuna eman diote alkateari, mahai gainean bestelako planteamendu batzuk jar ditzala eskatuz.
Euskal Herriko LGTBI komunitateko hamar pertsonak armairutik nola atera ziren kontatzen dute, baita euren orientazio sexualak eta genero identitateak euren bizitzan zer-nolako eragina izan zuten ere.
Ondokoak dira protagonistak: Beñat Olea komikigilea, Aitzole Araneta... [+]
Hondarribiko udal gobernuaren “ausardia faltaz”, kontsentsua bilatzearen tranpaz eta “gatazkaren espiritua berpiztu” nahi duen alarde tradizionalaren aldeko elkarteaz mintzatu zaigu Uxoa Anduaga, Jaizkibel konpainia berdinzaleko kidea. “Ez dira... [+]
Bertigo baten ostean, etengabeko txistu bat entzuten hasi zen Jexux Mari Irazu Muñoa (Larraul, Gipuzkoa, 1972) bertsolaria, bertso-eskolako irakaslea eta gai-jartzailea. Tinnitus edo akufeno deitzen zaie Irazuk entzuten dituen zaratei. Horrek egunerokoan daukan inpaktuaz... [+]
Agerraldia deitu zuen Laudioko mugimendu feministak igandean, Odoloste eguneko goizaldean Txosnagunean gertatutakoa salatzeko.
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.