Iñaki Arriola salatu dute Gasteizko epaitegietan Kutxabanken 500 etxebizitza inbertsio funts bati saltzeagatik
Arriolak zuzentzen duen Etxebizitza sailak “iruzurra, prebarikazioa eta maula” delituak egin dituela uste du Gasteizko Etxebizitza Eskubidearen aldeko eta Gizarte Bazterkeriaren Aurkako Ekimenak. 500 etxebizitza saldu dizkio Vitalquilerrek Suediako Catella funtsari. Diru publikoz eraiki ziren etxebizitzak 2008an, babestutako alokairu-etxebizitza izan zitezen.
aurre egingo dieten hedabide independenteak
Ekimeneko kideak Gasteizko Guardiako Epaitegian salaketa aurkeztu dute ostegun eguerdian, eraikinaren kanpoaldean kontzentrazioa egiten zuten aldi berean. Salaketa Eusko Jaurlaritzako Ingurumen, Lurralde Plangintza eta Etxebizitzako sailburu Iñaki Arriolaren aurka jarri dute, saileko arduradun politiko gisa. Eusko Jaurlaritzako eta PSEko kideari “prebarikazio, iruzur eta/edo maula” delituak egozten dizkio ekimen herritarrak.
Apirilaren 7an jakinarazi zen publikoki 500 etxebizitzen salmenta, osasun krisi eta konfinamendu garaian. Vital Kutxak (ondoren Kutxabank) eta Adania enpresa taldeak sortu zuten Vitalquiler 2001 urtean, etxebizitza eskubidearen aldeko ekimenak azaldu duenez, “Gasteizen alokairuko etxebizitza babestuen parke bat sustatzeko helburuarekin”. 2008an hasi ziren eraikitzen apirila honetan saldu diren etxebizitzak: “ Salburua eta Zabalganako hainbat bloketan daude kokaturik eta babestutako alokairu-etxebizitzak izateko konpromisopean finantzaketa publikoarekin eraiki ziren”. Orain Kutxabankek etxebizitza horietako bere partea Catella inbertsio funts suediarrari saldu dio, “alokairu sozialaren kudeaketa esku pribatuetan utziz”. Ekimenaren arabera, Catella IKEA multinazionalaren jabeek sortu zuten 1987an, eta Espainiako Estatuan beste 2.000 Babes Ofizialeko Etxebizitza erosi ditu azken urteetan.
Hormen atzean, pertsonak
Etxebizitza horietan bizi diren pertsonekiko kezka azaldu du ekimen herritarrak. Horietako asko “babesgabetasun egoeran” daudela adierazi dute, eta alokairuaren baldintzak aldatzekotan ordainketari aurre egiteko ezinean aurkitu daitezkeela. Salmenta akordioaren arabera, inbertsio funtsak 2033 arte errespetatu behar ditu egungo baldintzak, “baina inbertsio-funts batzuen jarduteko modua ikusita, ez litzateke harritzekoa izango horiek aldatzea”. Bartzelonan, Madrilen edo Donostian horren aurrekariak daudela salatu dute. Donostiako Benta Berriko kasua azpimarratu dute, funts berbera baita “zonaldean ehunka etxebizitza erosi eta gutxira, etxegabetze-aginduak izapidetzen” hasi dena.
EAJ-PSEren arduradun
Eusko Jaurlaritza osatzen duten bi alderdiak egin ditu arduradun plataforma herritarrak: “Salmenta baimentzeaz gain, uko egin diote Euskadiko Etxebizitza Legearen 65. artikuluan jasotzen diren atzera eskuratzeko zein eroslehentasun eskubideei. Hala, etxebizitzen parke publikoa handitzeko aukera handia galdu dutelarik”. Eusko Jaurlaritzaren etxebizitza arloko politika herritarren beharren aurkako dela salatu dute, eskubidearen aurretik “negozio pribatua” lehenesten ari delako.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
Etxea euskal ohitura zaharretan hildakoen eta bizirik zeudenen espazioa zen. Hilda jaiotzen ziren umeak edo bataiatu aurretik hildakoak kanpoko horma baten ondoan lurperatzen ziren, teilatuaren babesean. Abizenak ere etxe bati lotuta zeuden, etxeak ematen zion izena bertan bizi... [+]