“IKEA efektuaren” beste aldea

  • Gaindegiak Euskal Herriko denda txikien erradiografia egin du. Azkeneko urteetan %10 jaitsi da herriak bizirik mantentzeko ezinbesteko diren saltoki horien kopurua.

Urko Apaolaza Avila @urkoapaolaza
2015eko irailaren 23a

Baionan IKEA multinazionalak beste gune handi bat ireki izanak alarma piztu du berriz ere merkataritzaren alorrean. Prekaritatean oinarritutako eredua salgai duten saltoki handiok kinka larrian utzi dituzte hainbat eta hainbat denda txiki.

Gaindegiak bere azterketan nabarmendu duenez, Euskal Herrian dauden 17.000 saltokietatik %98 denda txiki tradizionalak dira, baina alde nabarmenak daude tokiaren arabera. Hala, hiriburuetan saltoki txikien kontzentrazioa handia den bitartean, zenbait eskualdetan “isolamendua da nagusi”, Nafarroa Garaiko Pirinioetan eta Araba hegoaldean bereziki.

IKEA berria ireki duten eremuan, Lapurdiko kostaldean, Euskal Herriko saltoki dentsitate handiena dago –Baionako Merkataritza Ganberaren arabera Frantziako Estatuko merkataritza kontzentrazio handiena pilatzen da bertan–, baina saltokiok ez daude herrietako merkataritzari eta bizimoduari lotuak.

Behategiaren arabera 2010etik 2014ra bitartean %10 egin du behera saltoki txikien kopuruak. Azken urteetako krisiak zerikusi zuzena du beherakada horrekin, baina Gaindegiak dio azalera handiko guneak gertu dituzten herrietan izan direla “gainbehera larrienetako batzuk”.

Gorbeia inguruetan, esaterako, saltoki txikiek %17,8 egin dute behera 2008tik hona –Zigoitiako Gorbeia merkatal zentro erraldoia dago bertan–, eta Bidasoaldean ere beherakada %17,2koa izan da, Irunen bi saltoki handi irekitzearekin batera.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Merkataritza

Merkataritza kanaletik interesatuko zaizu...
2018-05-27 | Mikel Zurbano
Lidergo globala

Ameriketako Estatu Batuek (AEB) Txinako produktuen inportazioei ipinitako mugak arrabotsa sortu du zergen inguruan. Zurrunbiloaren hasieran, Txinako aluminioaren eta altzairuaren inportazioei arantzelak igoko zizkiela iragarri zuen Donald Trumpek. Txinaren erantzuna AEBetako 128 ondasunen inportazioak zamapetzea izan zen. Ondoren, Washingtonek erabaki zuen Txinatik inportatutako ondasun ugarirentzat muga zergak handitzea. Lehia arriskutsua ireki da inondik ere.

Nolanahi, Txina bi arlotan... [+]


Ardoa, minagre

Sarako Joanes Etxeberrik, gauzak modu ilunean eta era desegokian azaltzen ibiltzea irudikatzeko, honela idatzi zuen hamazortzigarren mendean: “Arnoa kridatzen dute, eta minagrea saltzen”. Hau da, ardoa aldarrikatu, eta, haren ordez, ozpina eman.

Segitzen du Etxeberrik bere irakurketarekin: “Sugearen propietatea dute (ardo-saltzaile horiek): sugeak xistuz dagoela ausikitzen du”. Hartara, txirulari txerrena, delako suge hori.

Exeberriren narrasti musikaria kiribildu... [+]


2018-02-05 | Xabier Letona
"Ez zait kostatzen iristea, bertan bizi naiz eta bertan kontsumitu"

Eztabaida zorrotza piztu da Iruñeko Alde Zaharrean merkataritza txikiaren egoera estuaz. Iragan udazkenean sartu zen indarrean Iruñeko Udalaren mugikortasun plan berria eta honek, funtsean, espazio gehiago ematen dio oinezkoari eta gutxiago autoari. Merkatarien elkarteari, ordea, ez zaio gustatu eta Udalaren aurkako kanpainari ekin dio, auzora eta Iruñera oro har, eztabaida zorrotza ekarriz.


10 saltokitik 9k euskaraz eman lezakete zerbitzua Tolosan, paisaia linguistikoan islatzen ez den arren

Galtzaundi euskara taldeak eta Tolosa&Co elkarteak estreinakoz elkarlanean osatu dute, herriko establezimenduen euskararen diagnosia; ezagutza bistaratu beharraz ohartarazi dute.


2017-12-13 | Unai Brea
Merkataritzaren Munduko Erakundearen gailurra asteazkenean bukatuko da Buenos Airesen, protesta artean

Abenduaren 10etik 13ra bilduta dago Munduko Merkataritza Erakundea (MME) Buenos Airesen. Gai-ordenan, besteak beste, nazioarteko salerosketetarako arau berriak adostea eta merkataritza elektronikoaren liberalizazioa daude. Milaka lagunek protesta egin dute gailur osoan zehar, MMEri “herrien eta naturaren espoliazioa” arautzeko helburua baizik ez duela leporatuta.


2017-12-07 | Ander Pobo
Merkataritza askeko akordioak: ez dira lege naturalak

Cheap food, high wage —ogia merke eta soldata altuak—. 1848an, horiek ziren sustatzaile sutsuen hitzetan Ingalaterraren eta Frantziaren artean zerealak eta beste lehengai batzuen truke askearen hitzarmenak ekarriko zituen onurak; langileen onarpena lortu ahal izateko. Gaur egun, ia 170 urte geroago, merkatu internazionala gobernatzen duten merkataritza librearen hitzarmenen kopuruak goranzko joera hartu du.


2017-11-10 | Axier Lopez
Bilboko Mercadonak ateak itxiko ditu Udalak legez kontra lur-saila birkalifikatzeagatik

Miribillako Urretxindorra Ikastolaren patioa zenaren lurren kalifikazioa aldatu zuen Bilboko Udalak, Mercadonak bere supermerkatua egiteko. Lurrak legez kontra birkalifikatu zituela ebatzi du EAEko Auzitegi Gorenak. Beraz, supermerkatu kate handiak ateak itxi beharko ditu Bilbon.


Hondarribia-The Village Outlet Shopping, EAJk aurrera atera nahi duen astakeria urbanistikoa

40.000 metro koadro, 100 saltoki, 1.000 autorentzako aparkalekua eta urtean 5 milioi bisitari aurreikusten ditu Zaldunbordan (Hondarribia eta Irun artean) egin nahi duten megaproiektu burugabeak: Espainiako Estatuan Bartzelonak eta Madrilek baino ez duten moduko outlet merkataritza-herri bat. Hondarribiko EAJk burutu duen esleipenaren atzean irregulartasunak eta interes ilunak salatu dituzte.


Artea merkatal guneko langileen deia gerentziari: errespetatu gure eskubideak

Leioako zentro komertzial pribatuko saltokiak lan-hitzarmena ez betetzera “animatu” ditu hango gerentziak, ELAren esanetan. Langileek bilkura egingo dute gaur, eguneroko oztopoekin amaitzea eskatzeko.


2016-11-28 | Ainhoa Bretos
Zer dago Mercadonaren irabazi ekonomikoen atzean?

Mercadonaren arrakasta ekonomikoaren atzean laneko erasoak, elikagaien inportazioa eta merkataritza txikiaren eragozte eta oztopatzea daudela azaldu du Esther Vivasek bere blogean.


Eguneraketa berriak daude