Ihesi doazenen mailakatzea
Oroit negu hotz honetako argazki horietaz? Ukrainako muga, mugazainez josia, gizon armatua prest estekaturik daukan zakurra askatzeko. 8.500 soldadu bidali zituen Volodimir Zelenski Ukrainako presidenteak mugak zaintzera; Poloniak mugak hetsirik, etorkinak bertatik bideratuko zirenaren beldur. Milaka etorkin, Ekialde Hurbilekoak –Irak, Kurdistan zein bestelako gudu-zelaietakoak–, Europaren/Ukrainaren eta Errusiaren/Bielorrusiaren arteko tirabiran peoi gisa erabiliak. Bidea mozteko “su-armak erabiltzeko prest”, Barne ministro Denis Monastirskik baimena emanik mugazainei. Ez zuten irudikatuko hortik lau hilabetetara haienak zirela mugan metaturik izanen, gerraz ihesi –enpatia gehiago behar luke geopolitikak–. Bost milioi izan daitezke, NBEaren errefuxiatuen Goi-Komisarioaren arabera. Gehienak emakumeak, haurrak eta adinekoak, gizonak gerrarako kanoi-bazka bihurturik.
“[Ukrainako] errefuxiatuak ongi etorriak dira” Europako Batzordeko presidente Ursula Von Der Leyenen hitzetan. Fartsa dirudien arren, zor zaion seriostasunarekin begiratuko diogu, eta poztuko gara ere, nola ez. Europako Batzordeak aste honetan erabakiko du inoiz bideratu gabeko direktiba bat aktibatu ala ez: hiru hilabeterako daukaten bisa gabeko baimenaren ordez, gutxienez urte bateko egonaldi baimena emanen zaie, bi urtez luzatzeko aukerarekin. Igande honetan hitz egin zuten neurriaz, eta mainstream komunikabideek neurri historikoa isilean atxiki izana bera dugu esanguratsua. Badirudi gerra hurbildu arau deskubritzen dugula haren aurpegi krudela. Yemendar, maliar, somaliar, siriar… ulergaitza izango zaizue. Normala. Zuentzat bere horretan diraute Europar Batasunaren 1.200 kilometro paretek eta mugen itxierek. Eta zer eginen du bada Europar Batasunak? Ardura 27 estatuen artean partekatu beharrean Polonia, Hungaria, Eslovakia eta auzo herrien esku utzi, atxikitze zentroak eraikitzeko milioiak bideratuz? Ageriko da.
“Gerraren kontrako koalizioa” martxan da, Zelenskiren hitzetan. Armak bidali dizkiote Europako estatu askok. Misilak, tankeak, kanoiak, droneak ala fusilak gerraren sinonimo dira, ez dira inoiz gerraren kontrako erremintak izanen, ez Ukrainan ez inon. Gerratik ihesi doazen errefuxiatuen harrera berriz aktibatu beharra du Europak –ihesi doazenen mailakatzerik gabe–.
Ukrainaren Europako aliatuak Zelenskirekin bildu dira, eta menia astelehen honetan indarrean jartzea proposatu dute, Errusiak jada ezezkoa eman badu ere. Boluntarioen koalizioko agintariek azpimarratu dute garrantzitsua dela Ukrainari laguntza militarra ematen jarraitzea,... [+]
Zer lor nahi zezakeen Ipar Koreako erregimenak Errusiaren gerrarako egindako odol-ekarpenarekin? Batetik, eskarmentua; bestetik, elkarrekikotasuna.
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
"Bakearen" bidean, Errusiak proposatu du kontrolpean ez dituen lurraldeei uko egitea. Trukean AEBk hainbat onura emango dizkio, Financial Timesen arabera. Hala ere, Kremlineko bozeramaile Dmitry Peskov-ek abisu egin du: "Ez fidatu hedabideez, ezta errespetagarriak... [+]
Orain Errusiak inbaditu behar ei du Europa eta horren aurrean berrarmatze basatia bultzatu behar dute Europar Batasuneko herrialdeek. Lehen Sobietar Batasunak egin behar zion eraso, eta Gerra Hotzak ia mundua irentsi zuen. Gezurra zen ordukoa, eta gezurra da gaur egungoa, baina... [+]
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]
Ukrainako gerrar hasierako zergatiak ez dira azaldu zizkigutenak bakarrik, beste arrazoi batzuk ere badaudelako. Errusiak zioen Ukrainako errusiar hiztunen defentsarako urrats bat eman behar zuela; Ukrainako Gobernuak, aldiz, Errusiaren armadari aurre egin behar zitzaiola,... [+]
Etxe Zuriak bi komunikatu igorri ditu, Itsaso Beltzeko su-etena eta energia azpiegituren aurkako bi aldeen erasoen amaiera hitzemateko.
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Defentsarako gastua handitzeko Europako herrialdeen apustuaren atzean, asko dago propagandatik, eta askoz gehiago interes ekonomikotik. Kontrakoa sinetsarazi diguten arren, XVIII. mendean Ingalaterran Industria Iraultza jaio zenean, armak eta gerra izan zituen oinarri, eta ez... [+]
Telefono bidez eginiko bileran, bi agintariek adostu dute Moskuk ez diola erasorik egingo Ukrainako azpiegitura energetikoari hurrengo 30 egunetan. Ukrainak eta Errusiak 175na preso askatu beharko dituztela iragarri dute, baina ez noiz.
Europa mailako ekimen kolektibo batek bakearen, irtenbide diplomatikoen eta armagabetzearen aldeko manifestua idatzi eta sinadura bilketa hasi du. Manifestuak dioenez, intelektualak, herritarrak bezala, “anestesiatuta daude”. Europako agintarien jokamoldea, NATOren... [+]
Vladimir Putinek interesa agertu du AEBek eta Ukrainak adostu duten 30 eguneko menia epeaz, baina zalantzak ere plazaratu ditu. Funtsean, ez du presarik erakutsi akordioa sinatzeko eta denbora gehiago eskatu du zalantzok argitu ahal izateko.
Mikel Jauregi Industria sailburuaren ustez, euskal enpresek “lan ona” egin dezakete Europaren “segurtasun estrategia babesten”. Eusko Jaurlaritzako bozeramaile Maria Ubarretxenak, berriz, berrarmatze asmoek “aukera berriak” ekar ditzaketela... [+]
Saudi Arabian elkartu dira AEBetako eta Ukrainako ordezkariak, eta zortzi ordu iraun duten negoziazioek fruitua eman dute. Etxe Zuriak Ukrainarentzako laguntza militarra berrabiaraztea erabaki du.