Putin eta Trump ostiralean bilduko dira, baina Zelenskik argi utzi du Ukrainak ez duela “lurralderik oparituko”
AEBetako presidenteak Ukrainarekin su-eten akordio batera iristeko ezarritako epea amaituta, Alaskan bilduko dira Trump eta Putin ostiralean. Bloomberg hedabidearen arabera, Errusia eta AEBak gerra "izozteko" plan bat prestatzen ari dira, Moskuk orain arte Ukrainan okupatutako lurraldeak hartzea barne hartuko lukeena. Zelenskik, ordea, argi adierazi du Ukrainak ez diela "lurralderik oparituko okupatzaileei".
Errusiako Gobernuko nazioarteko politikarako aholkulari Yuri Ushakovek aurreikusi zuen joan den astean Trump eta Putin "berehala" bilduko zirela. Bada, asteburuan argitara atera zen bi presidenteen arteko bileraren data eta kokalekua: Trumpek sare sozialetan jakinarazi zuen ostiralean batzartuko direla, Alaskan. Bloomberg hedabideak ostiralean kaleratu zuen Errusia eta AEBak Ukrainako gerra "izozteko" egitasmo bat prestatzen ari direla: hedabide horren arabera, plan horrek barne hartuko luke Moskuk erasoak etetea eta haren esku geratzea orain arte Ukrainan okupatu dituen lurraldeak. Herrialdeko hainbat eskualde Errusiaren esku uzteko arriskuaz jabetuta, Volodimir Zelenski Ukrainako presidenteak larunbatean zera adierazi zuen: "Ukrainak ez die lurralderik oparituko okupatzaileei". Sare sozialetan larunbatean argitaratutako bideo batean Zelenskik esan zuen ostiralean Putin eta Trumpek Ukrainaren inguruan hartuko dituzten erabakiek ez dutela etorkizunik: "Ukraina kontuan izan gabe hartutako edozein erabaki bakearen aurkakoa da.
Ukrainako gerrarako une garrantzitsu batean bilduko dira AEBetako eta Errusiako agintariak: izan ere, Trumpek Putini ezarritako hamar eguneko epea ostiralean amaitu zen. Egun horretarako Kievekin su-eten akordio batera iritsi ezean, AEBek zigor ekonomikoak ezarriko dizkiola egin zion mehatxu Etxe Zuriko maizterrak Moskuri, oraindik hori egin ez badu ere.
Zelenski, Europara begira
Zelenskik argi utzi zuen ukrainarrek "bake duina" merezi dutela, eta Ukrainako Konstituzioaren aurka doala "inbaditzaileei lurrak oparitzea". Hortaz, Errusiak eta AEBek gerrarekin amaitzeko akordio batera iristeko bizkarra eman ondoren, Ukrainako presidenteak Europako bazkideen laguntza bilatzeari ekin dio: Europako Batzordeko buru Ursula von der Leyenek eta Europako hainbat herrialdetako agintariek –Frantziako presidente Emmanuel Macron, Poloniako lehen ministro Donald Tusk, Erresuma Batuko lehen ministro Keir Starmer eta Finlandiako presidente Alexander Stubb– ohar bat argitaratu zuten igandean. Oharrean, agintariek adierazi zuten Errusiak abiatutako "legez kanpoko gerrarekin" amaitzeko aukera bakarra diplomazian, Ukraina babestean eta Moskuri presioa ezartzean datzala.
"Argi dugu konponbideak Ukrainaren eta Europaren segurtasun interesak babestu behar dituela", esan zuten oharrean. Aipatutako "segurtasun interesen" artean, agintariek azpimarratu zuten Kievek bere "subiranotasuna" defendatzea: "Ukrainak bere etorkizuna erabakitzeko eskubidea du. Ukrainako bakearen bideorria ezin da eztabaidatu Ukrainarik gabe". Gainera, aldarrikatu zuten herrialde batean mugak ezin direla "indarrez" aldatu, eta "bake iraunkor" baten inguruko negoziazioei ekiteko aldarrikatu dute "beharrezkoa" dela aurretik Ukrainako frontean su-etena ezartzea.
Putin eta Zelenskiren arteko bilera, gertu
Zelenski ez da izango Alaskan Trumpek eta Putinek egingo duten bileran, baina badirudi geroz eta handiagoak direla hiru agintariak aurrez aurre biltzeko aukerak. Izan ere, JD Vance AEBetako presidenteordeak jakitera eman zuen igandean Fox News telebistari eginiko elkarrizketa batean "saiatzen" ari direla Trump, Putin eta Zelenski batzartuko liratekeen bilera zehazten, "Ukrainako gerra amaitzeaz eztabaidatu dezaten".
Horri gehitu behar zaio joan den astean, Errusiako ordezkariak AEBeko Gobernuko Ekialde Hurbilerako eta Errusiarako ordezkari Steve Witkoffekin bildu ostean, Trumpek esan zuela "aurrerapausoak" eman direla datozen egunetan Ukrainaren eta Errusiaren arteko bake akordio bat adosteko gailur bat egiteko hurrengo egunetan: eta, noski, Trump, Putin eta Zelenski aurrez aurre biltzeko gailur horretan.
Ekainaren 17an AEBek Europan dituzten indarren jeneral Christopher Donahue-k iragarri zuen NATOk Kaliningrado inbaditzeko plan bat duela. Kaliningrado Errusiako lurraldea da, Polonia eta Lituania artean dago, eta ez du lurralde loturarik gainerako Errusiarekin.
Emmanuel Macron Frantziako lehendakariak adierazi du 26 herrialde prest direla gerra amaitu ondoren Ukrainan indar militarra zabaltzeko, “lurrez, airez edo itsasoz” parte hartuz. Vladimir Putin buruzagi errusiarrak erantzun die ez duela horrelakorik onartuko, ez... [+]
600 misil eta dronetik gora bota ditu Errusiak Ukrainako hiriburuaren aurka. Gerra hasi zenetik egindako aire eraso handienetakoa da. Zelenskik nazioarteari eskatu dio erantzun dezala, Putin Trumpekin bildu eta bi aste eskasera.
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Arabiar Emirerri Batuen bitartekaritzarekin lortu dute preso trukea gauzatzea. Zelenskik adierazi du Ukrainak "askatasunaren alde" borrokatzen jarraituko duela, herrialdeak independentzia aldarrikatu zuenetik 34 urte bete direnean: "Bakea behar dugu, eta gure... [+]
AEBetako presidentea Zelenskirekin eta Europako haren aliatuekin bildu da astelehenean, Etxe Zurian. Badirudi Trumpek ontzat jo duela Vladimir Putinek ostiralean izandako bileran proposatutakoa: Ukrainako gerra amaitzeko Kiev "lurralde truke posibleez" hitz egiteko gai... [+]
Ostiralean Alaskan izango duten bileraren bezperan heldu da mehatxua. Friedrich Merz Alemaniako kantzillerrak deituta, gailur birtual bat egin dute asteazkenean Zelenskik, Trumpek eta Europako hainbat agintarik. Ukrainako presidenteak adierazi du Trumpen eta Putinen arteko... [+]
Joan den astean Trumpek ohartarazi zion Putini hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Zelenskik sare sozialetan adierazi du ezinbestekoa dela Errusiako presidentearekin bildu aurretik lehenbizi su-etena... [+]
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Europako lau presidente gudazaleek (Emmanuel Macron, Keir Starmer, Friedrich Merz eta Donald Tusk), maiatzaren 10ean 30 egunetako su-etena exijitu zioten Vladimir Putini. Errusiako presidentearen erantzuna: “Maiatzaren 15ean has gaitezen bakea negoziatzen... [+]
Sare sozialetan zabaldutako mezu batean, AEBetako presidenteak adierazi du Errusiako bere homologoarekin izandako elkarrizketa "oso ongi" joan dela. Putinek esan du Ukrainako gerra amaitzeko ahaleginak "bide onetik" doazela, eta Mosku Kievekin bake akordio bat... [+]
Aurrez adierazitakoa baino egun bat geroago abiatu dira bilerak Istanbulen; Zelenski, Putin eta Trump gabe. Errusiari “behe mailako” delegazioa bidaltzea leporatu diote.
Ukrainaren Europako aliatuak Zelenskirekin bildu dira, eta menia astelehen honetan indarrean jartzea proposatu dute, Errusiak jada ezezkoa eman badu ere. Boluntarioen koalizioko agintariek azpimarratu dute garrantzitsua dela Ukrainari laguntza militarra ematen jarraitzea,... [+]
Zer lor nahi zezakeen Ipar Koreako erregimenak Errusiaren gerrarako egindako odol-ekarpenarekin? Batetik, eskarmentua; bestetik, elkarrekikotasuna.
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
